{"kind":"section","lang":"la","language":"Latin","title":"Ars conectandi 43","citation":"Jakob Bernoulli, Ars conectandi 43","ref":"43","level":null,"urn":null,"url":"https://interlinea.aeterna-institute.org/library/latin/jakob-bernoulli/ars-conectandi/43","api":"https://interlinea.aeterna-institute.org/api/v1/library/latin/jakob-bernoulli/ars-conectandi/43","markdown":"https://interlinea.aeterna-institute.org/library/latin/jakob-bernoulli/ars-conectandi/43.md","author":{"name":"Jakob Bernoulli","url":"https://interlinea.aeterna-institute.org/library/latin/jakob-bernoulli"},"work":{"title":"Ars conectandi","url":"https://interlinea.aeterna-institute.org/library/latin/jakob-bernoulli/ars-conectandi","urn":null},"verse":false,"words":217,"text":"Idem Idem etiam per constructionem Geometricam non inconcinnam obtinere licet, ope Curvae quam vocant Logarithmicae: Insistat axi CH Logarithmica quaevis FEG, cui applicentur rectae AE & CF, quae sint in ratione a ad C, producendae ad duplam longitudinem in B & D; & agatur recta DB, occurrens curvae in G: sumtâ pro unitate CA, abscindet demissa applicata GH in axe portionem CHOOn, numero jactuum, quo aliquid bis praestandum suscipi potest. Et quemadmodum hoc consecuti sumus occursu lineae rectae & logarithmicae: sic numerum jactuum, quo quid ter praestandum potest suscipi, per intersectionem Parabolae & logarithmicae; & quo id quater saepiusve, ejusdem & altioris gradatim curvae algebraicae ope definire licet. Caeterùm possemus & hîc, uti fecimus in praeced. Propos. materiam hanc prosequi ulteriùs & investigare sortes plurium Aleatorum, qui singuli aequali an inaequali numero jactuum consecutivè instituendorum susciperent aliquid praestare aliquoties; aliasque plures ejusmodi quaestiones formare; nisi & brevitati consulendum, & Lectoris industriae quaedam relinquenda esse viderentur. Unicum tamen, ne hactenùs dicta sinistrè acciperentur, monere adhuc operae pretium duximus: nempe, Problemata hujus & praecedentis Propositionis, ubi quaeritur expectatio ejus, qui aliquot aleae jactibus quippiam semel vel aliquoties praestandum suscipit, ita esse intelligenda, ut sensus sit, etiam tum lucraturum qui suscepit, si saepiùs quàm suscepit praestiterit. Nam si sensus esset, eum hoc casu perditurum, aliud foret Problema, & aliae nascerentur expectationes, quae quia in sequentibus usum habebunt, determinandae nobis supersunt, priusquàm hinc discedamus.","prev":{"citation":"Ars conectandi 42","label":"PROPOSITIO XII","url":"https://interlinea.aeterna-institute.org/library/latin/jakob-bernoulli/ars-conectandi/42","api":"https://interlinea.aeterna-institute.org/api/v1/library/latin/jakob-bernoulli/ars-conectandi/42"},"next":{"citation":"Ars conectandi 44","label":"PROPOSITIO XII","url":"https://interlinea.aeterna-institute.org/library/latin/jakob-bernoulli/ars-conectandi/44","api":"https://interlinea.aeterna-institute.org/api/v1/library/latin/jakob-bernoulli/ars-conectandi/44"},"credit":{"text":"Jakob Bernoulli, Ars conectandi. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Ars_coniectandi","quality":"ocr"}}