{"kind":"section","lang":"la","language":"Latin","title":"Ars conectandi 70","citation":"Jakob Bernoulli, Ars conectandi 70","ref":"70","level":null,"urn":null,"url":"https://interlinea.aeterna-institute.org/library/latin/jakob-bernoulli/ars-conectandi/70","api":"https://interlinea.aeterna-institute.org/api/v1/library/latin/jakob-bernoulli/ars-conectandi/70","markdown":"https://interlinea.aeterna-institute.org/library/latin/jakob-bernoulli/ars-conectandi/70.md","author":{"name":"Jakob Bernoulli","url":"https://interlinea.aeterna-institute.org/library/latin/jakob-bernoulli"},"work":{"title":"Ars conectandi","url":"https://interlinea.aeterna-institute.org/library/latin/jakob-bernoulli/ars-conectandi","urn":null},"verse":false,"words":298,"text":"Quod ipsum etiam vel absque calculo utcunque sic inferri potest: A habens omnes nummos praeter unum habet b casus ad vincendum, & B habens omnes praeter unum, habet e casus ad vincendum; dein A habens omnes nummos praeter duos habet b casus ad obtinendum omnes praeter unum, id est, ad b casus praecedentes, ideoque b vicibus b casus seu bb casus habet ad vincendum; & B habens omnes praeter duos ob similem rationem habet eo casus ad vincendum: atque ita pro singulis nummis qui collusoribus ad vincendum desunt, praestò sunt ipsi A b, & ipsi Be casus, quibus ipsis accessus fit ad casus praecedentes; quare cùm ab initio ludi uterque habeat nummos 12, & proinde utrique totidem ad vincendum deficiant, numeri b & c duodecies positi ac in se ducti exhibebunt rationem sortium, ut anteà. Quòd si quis tamen ratiocinium istud non sat evidentiae hahere existimet, neque etiam inductioni satis fidat, is deinceps simili compendio, quo Auctor in Propos. XI. usus fuit, progredi poterit, nempe transeundo statim ad nummos sex, & hinc ad duodecim, omissis omnibus intermediis casibus. Quanquam ne sic quidem ulteriori calculo indigemus; idem enim qui supra subductus habetur in hypothesi duorum assumtorum nummorum, etiam valet, si loco unius nummi quotlibet n nummos, & loco duorum in nummos assumtos intelligamus, dummodò pro numeris casuum ? & c quibus alterutri collusorum unus nummus acquiritur vel deperditur substituamus quoque numeros casuum, quibus ille n nummos acquirere vel amittere potest; adeò ut hinc legitimè inferamus, rationem sortium quas habent collusores cùm singuli 2n nummos assumunt perpetuò duplicatam esse debere ejus quae obtinet cùm singulis tantùm n nummi assumpti sunt. Quare cùm suprà in casu trium assumtorum nummorum ratio sortium reperta sit ut b ad C, erit illa in casu nummorum 6 ut b° ad c', indeque porrò in casu nummorum 12 ut b12 ad cra, quemadmodum inductione collegeramus.","prev":{"citation":"Ars conectandi 69","label":"PROBLEMA V","url":"https://interlinea.aeterna-institute.org/library/latin/jakob-bernoulli/ars-conectandi/69","api":"https://interlinea.aeterna-institute.org/api/v1/library/latin/jakob-bernoulli/ars-conectandi/69"},"next":{"citation":"Ars conectandi 71","label":"PROBLEMA V","url":"https://interlinea.aeterna-institute.org/library/latin/jakob-bernoulli/ars-conectandi/71","api":"https://interlinea.aeterna-institute.org/api/v1/library/latin/jakob-bernoulli/ars-conectandi/71"},"credit":{"text":"Jakob Bernoulli, Ars conectandi. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Ars_coniectandi","quality":"ocr"}}