{"kind":"section","lang":"la","language":"Latin","title":"Ars conectandi 82","citation":"Jakob Bernoulli, Ars conectandi 82","ref":"82","level":null,"urn":null,"url":"https://interlinea.aeterna-institute.org/library/latin/jakob-bernoulli/ars-conectandi/82","api":"https://interlinea.aeterna-institute.org/api/v1/library/latin/jakob-bernoulli/ars-conectandi/82","markdown":"https://interlinea.aeterna-institute.org/library/latin/jakob-bernoulli/ars-conectandi/82.md","author":{"name":"Jakob Bernoulli","url":"https://interlinea.aeterna-institute.org/library/latin/jakob-bernoulli"},"work":{"title":"Ars conectandi","url":"https://interlinea.aeterna-institute.org/library/latin/jakob-bernoulli/ars-conectandi","urn":null},"verse":false,"words":247,"text":"CAP. II. De Combinationibus, iisque primò consideratis simpliciter. COmbinationes rerum sunt Conjunctiones, juxta quas ex datâ Orerum multitudine nonnullae eximuntur, interque se conjunguntur nullo ordinis situsve ipsarum respectu habito. Idcircò cùm quaeritur, quoties ex dato rerum numero vel binae, vel ternae, vel quaternae &c. accipi possint, sic ut nunquam omnes eaedem res sumantur saepiùs quàm semel, dicentur quaeri omnes Combinationes diversae rerum datarum. Numerus, secundùm quem res datae conjunguntur, dicitur Exponens Combinationis; ita si res binae sumuntur, Exponens erit 2; si ternae, 3; si quaternae, 4. Res verò secundùm hos exponentes junctae dicuntur Binarii, Ternarii, Quaternarii &c. vel Biniones, Terniones, Quaterniones &c. & consonanter etiam Uniones vel Unitates quando res sumuntur singulae, & Nulliones cùm nulla planè sumitur. Conjunctiones ipsas nonnulli vocant Combinationes, Conznationes, Conqnationes &c. quas omnes vulgò unâ voce Combinationum complecti solent, tametsi haec vox strictiori significatu propriè non nisi illas conjunctiones indigitare videatur, quibus res binae invicem junguntur. Quamobrem alii generaliori voce Complicationum vel Complexionum uti malunt: alii magis appositè Electiones vocant, ut & illae subintelligi possint rerum acceptiones, quibus res singulae seorsim sumuntur, aut quibus etiam nulla planè sumitur. Res autem inter se combinandae vel omnes possunt esse diversae, vel aliquot ipsarum eaedem; eaeque vel ita combinari debent, ut in nullâ combinatione res eadem saepiùs contineatur, quàm ipsa reperitur in toto rerum numero: vel sic, ut in eâdem combinatione res eadem etiam saepiùs recurrere, h. e. ut secum ipsâ quoque combinari possit. Iterumque quaeri potest numerus combinationum vel secundùm omnes exponentes conjunctim, vel secundùm singulos seorsim.","prev":{"citation":"Ars conectandi 81","label":"CONJECTANDI","url":"https://interlinea.aeterna-institute.org/library/latin/jakob-bernoulli/ars-conectandi/81","api":"https://interlinea.aeterna-institute.org/api/v1/library/latin/jakob-bernoulli/ars-conectandi/81"},"next":{"citation":"Ars conectandi 83","label":"CONJECTANDI","url":"https://interlinea.aeterna-institute.org/library/latin/jakob-bernoulli/ars-conectandi/83","api":"https://interlinea.aeterna-institute.org/api/v1/library/latin/jakob-bernoulli/ars-conectandi/83"},"credit":{"text":"Jakob Bernoulli, Ars conectandi. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Ars_coniectandi","quality":"ocr"}}