{"kind":"section","lang":"la","language":"Latin","title":"Ars conectandi 95","citation":"Jakob Bernoulli, Ars conectandi 95","ref":"95","level":null,"urn":null,"url":"https://interlinea.aeterna-institute.org/library/latin/jakob-bernoulli/ars-conectandi/95","api":"https://interlinea.aeterna-institute.org/api/v1/library/latin/jakob-bernoulli/ars-conectandi/95","markdown":"https://interlinea.aeterna-institute.org/library/latin/jakob-bernoulli/ars-conectandi/95.md","author":{"name":"Jakob Bernoulli","url":"https://interlinea.aeterna-institute.org/library/latin/jakob-bernoulli"},"work":{"title":"Ars conectandi","url":"https://interlinea.aeterna-institute.org/library/latin/jakob-bernoulli/ars-conectandi","urn":null},"verse":false,"words":224,"text":"–2 & generaliter columnae c, 1–MI Et quia quaelibet harum quantitatum etiam exprimit terminum n +1 sequentis columnae, sequitur quòd ipse illius terminus optatus seu ultimus n habeatur mutato solummodò ubique n in n–1; adeoque quòd terminus optatus, „4rae secundae columnae sit , tertiae – gta– —, & generaliter columnaec, 2 TI Scholium: Multi, ut hoc in transitu notemus, numerorum figuratorum contemplationibus vacârunt (quos inter Faulhaberus & Remmelini Ulmenses, Wallisius, Mercator in Logarithmotechniâ, Prestetus, aliique) sed qui proprietatis hujus demonstrationem universalem dederit & scientificam, novi neminem. Wallisius in Arithm. Infinitorum fundamentum suae methodi jacturus, rationes quas habent series Quadratorum, Cuborum aliarumque potestatum numerorum naturalium ad seriem totidem maximo aequalium, inductione investigat; indeque prop. 176 ad contemplationem Trigonalium, Pyramidalium, reliquorumque figuratorum transit: sed satius fuisset forteque naturae rei convenientius, si vice versâ tractationem numerorum figuratorum, eamque universali & accuratâ demonstratione munitam praemisisset, ac tum demum ad potestatum summas investigandas perrexisset. Praeterquam enim quod modus demonstrandi per inductionem parùm scientificus est, insuperque pro qualibet serie peculiarem operam deposcit; illa utique omnium judicio praecedere debent, quae caeteris naturâ sunt priora & simpliciora, quales videntur esse numeri figurati prae potestatibus, tum quod illi additione, hae multiplicatione generantur, tum & praecipuè quod series figuratorum à suis respectivè cyphris incipientes ad series aequalium rationem habent exactè submultiplicem, qualem non habere possunt series potestatum (saltem in terminis numero finitis) absque aliquo excessu vel defectu quicunque cyphrarum numerus ipsis praefigatur.","prev":{"citation":"Ars conectandi 94","label":"CONJECTANDI","url":"https://interlinea.aeterna-institute.org/library/latin/jakob-bernoulli/ars-conectandi/94","api":"https://interlinea.aeterna-institute.org/api/v1/library/latin/jakob-bernoulli/ars-conectandi/94"},"next":{"citation":"Ars conectandi 96","label":"CONJECTANDI","url":"https://interlinea.aeterna-institute.org/library/latin/jakob-bernoulli/ars-conectandi/96","api":"https://interlinea.aeterna-institute.org/api/v1/library/latin/jakob-bernoulli/ars-conectandi/96"},"credit":{"text":"Jakob Bernoulli, Ars conectandi. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Ars_coniectandi","quality":"ocr"}}