{"kind":"section","lang":"la","language":"Latin","title":"Dissertatio de magnete 36","citation":"Leonhard Euler, Dissertatio de magnete 36","ref":"36","level":null,"urn":null,"url":"https://interlinea.aeterna-institute.org/library/latin/leonhard-euler/dissertatio-de-magnete/36","api":"https://interlinea.aeterna-institute.org/api/v1/library/latin/leonhard-euler/dissertatio-de-magnete/36","markdown":"https://interlinea.aeterna-institute.org/library/latin/leonhard-euler/dissertatio-de-magnete/36.md","author":{"name":"Leonhard Euler","url":"https://interlinea.aeterna-institute.org/library/latin/leonhard-euler"},"work":{"title":"Dissertatio de magnete","url":"https://interlinea.aeterna-institute.org/library/latin/leonhard-euler/dissertatio-de-magnete","urn":null},"verse":false,"words":288,"text":"DISSERTATIO efformarem posset, quòd undique eadem vi premat, hincque poros etiamsi sint mobiles, in unam potiùs plagam quàm aliam disponere non valebit. At si aether, utì in vortice terrestri usuvenit, jam sit immotus, tum secundùm motûs sui directionem majori vi in poros extimos intrabit, quà tandem poros extremos secundùm directionem suam ordinabit: cùm enim fluxus materiae Magneticae integros Magnetes dirigere valeat, multò magis minimas moleculas in iisque filamenta ciere valebit. Statim autem ac materia Magnetica in uno loco per extremos poros penetravit, ob ingentem quam jam acquisivit celeritatem, faciliùs poros internos in debitum ordinem disponet, dummodo hujusmodi pori reperiantur continui. Cùm autem mareria Magnetica ad alterum usque terminum penetraverit, tùm prorumpens vorticem formabit, prorsùs utì circa singulos Magnetes existere monstravi: quo formato, ferrum seu chalybs pari virtute Magneticâ pollebit, ac ipse Magnes. Sin autem pori Magnetici non continuo tractu procedant, sed spatia materiâ peregrinâ repleta interjaceant, utì fit in mineris ferri non admodùm foecundis, tum ejusmodi corpora vi Magneticâ impraegnari non poterunt. §. 48. Ex his igitur intelligitur à vorfice Magnetico terram ambiente in ferro tandem vim Magneticam generari posse, cùm iste vortex ad hunc effectum producendum perpetuò vires exerceat. Quoniam verò in vortice terrestri, materia Magnetica & admodùm lentè movetur, nec in satis magnâ copiâ cum aethere est permixta, ejus vis perquàm erit debilis: unde quò haec vis fuerit minor, eò plus temporis requiretur ad virtutem sensibilem in ferro excitandam. Ita videmus post longum demùm temporis intervallum bacillos ferreos virtute Magneticâ impraegnari: neque verò iste effectus quovis modo obtinetur, verùm necesse est ut ejusmodi bacilli ferrei constanter in eodem situ retineantur. Nisi enim idem perpetuò situs conservetur, materia Magnetica secundùm aliam directionem ageret, ideoque effectum jam ante productum rursùs destrueret. Praeterea iea e e e e e at ati","prev":{"citation":"Dissertatio de magnete 35","label":"DISSERTATIO","url":"https://interlinea.aeterna-institute.org/library/latin/leonhard-euler/dissertatio-de-magnete/35","api":"https://interlinea.aeterna-institute.org/api/v1/library/latin/leonhard-euler/dissertatio-de-magnete/35"},"next":{"citation":"Dissertatio de magnete 37","label":"DE MAGNETE","url":"https://interlinea.aeterna-institute.org/library/latin/leonhard-euler/dissertatio-de-magnete/37","api":"https://interlinea.aeterna-institute.org/api/v1/library/latin/leonhard-euler/dissertatio-de-magnete/37"},"credit":{"text":"Leonhard Euler, Dissertatio de magnete. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}