{"kind":"section","lang":"la","language":"Latin","title":"Epitome Cononiana 1.46-49","citation":"Liber Pontificalis, Epitome Cononiana 1.46-49","ref":"1.46","level":null,"urn":null,"url":"https://interlinea.aeterna-institute.org/library/latin/liber-pontificalis/epitome-cononiana/1.46","api":"https://interlinea.aeterna-institute.org/api/v1/library/latin/liber-pontificalis/epitome-cononiana/1.46","markdown":"https://interlinea.aeterna-institute.org/library/latin/liber-pontificalis/epitome-cononiana/1.46.md","author":{"name":"Liber Pontificalis","url":"https://interlinea.aeterna-institute.org/library/latin/liber-pontificalis"},"work":{"title":"Epitome Cononiana","url":"https://interlinea.aeterna-institute.org/library/latin/liber-pontificalis/epitome-cononiana","urn":null},"verse":false,"words":349,"text":"XLIII. ZOSIMVS, natione Grecus, ex patre Abramio, sedit an. VII mens. VIIII dies XXIIII. Fecit constitutum ut diacones leua tecta haberent de palleis linostimis per parochias, et ut cera benedicatur, et ut nullus clericus in poculum publicum propinaretur, nisi tantum celle fidelium, maximae clericorum. Hic fecit ordinationem I, presb. X, diac. III, episcopos VIIII. Sepultusque est iuxta corpus beati Laurenti martyris VII k. Ian. Et cessauit episcopatus dies XI. XLIIII. BONIFATIVS, natione Romanus, ex patre Iocundo presbitero, sedit an. III mens. VIII dies VI. Hic sub intentione cum Eulalio ordinatur et fuit dissensio in clero menses IIII et dies XV. Et facto synodo deponitur Eulalius a LII presbiteris, quia iniuste fuerat ordinatus, et ex consensu omnium sedit Bonifacius praesul et constituitur Eulalius in ciuitate Nepissana episcopus. Hic constituit ut nulla feminarum palla sacrata contingerit aut incensum poneret in ecclesia nisi minister ; nec seruum clericum fieri, nec obnoxium curie uel cuiuslibet rei. Hic fecit ordinationem I, presb. XIII, diac. III, episcopos XXXVI. Qui etiam sepultus est in cimiterio sanctae Felicitatis VIII k. Nouemb. Cessauit episcopatus dies VIIII. XLV. CAELESTINVS, natione Campanus, ex patre Prisco, sedit an. VIIII mens. X dies XVII. Hic constituit ut psalmi CL ante sacrificium psalli, quod ante non fiebat, nisi tantum recitabatur epistola Pauli apostoli et sanctum euangelium, et fiebant missae. Hic fecit ordinationes III, presb. XXXII, diac. XII, episcopos XLVI. Sepultusque est in cimiterio Priscille VIII id. April. Et cessauit episcopatus dies XXI. XLVI. SYSTVS, natione Romanus, ex patre Xysto, sedit an. VIII dies XVIIII. Hic a quodam Basso incriminatur ; et ex praecepto Valentiniani Aug. cum magna examinatione, facto synodo, purgatur a LVI episcopis et egecerunt Bassum a communione. Hic fecit basilica sanctae Mariae iuxta macellum Libiae et confessionem beati Petri apostoli exornauit de argento. Huius temporibus Valentinianus Aug. ornauit basilicas beati Petri et Pauli ex auro argentoque plurimum, et in Constantiniana basilica fecit fastigium argenteum, quod a barbaris sublatum fuerat, et in alias quamplures basilicas Romanas multa dona obtulit Valentinianus Aug. Fecit ordinationes III, presb. XXVIII, diac. XXII, episcopos LII. Qui etiam sepultus est uia Tiburtina, ad sanctum Laurentium. Et cessauit episcopatus dies XXII.","prev":{"citation":"Epitome Cononiana 1.41-45","label":"1.41 to 1.45","url":"https://interlinea.aeterna-institute.org/library/latin/liber-pontificalis/epitome-cononiana/1.41","api":"https://interlinea.aeterna-institute.org/api/v1/library/latin/liber-pontificalis/epitome-cononiana/1.41"},"next":{"citation":"Epitome Cononiana 1.50-52","label":"1.50 to 1.52","url":"https://interlinea.aeterna-institute.org/library/latin/liber-pontificalis/epitome-cononiana/1.50","api":"https://interlinea.aeterna-institute.org/api/v1/library/latin/liber-pontificalis/epitome-cononiana/1.50"},"credit":{"text":"Liber Pontificalis, Epitome Cononiana. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.","license":"Used with permission","licenseUrl":"https://www.thelatinlibrary.com/about.html","source":"https://www.thelatinlibrary.com/epitomecononiana.html","quality":"proofread"}}