{"kind":"section","lang":"la","language":"Latin","title":"De Ecclesia 1-38","citation":"Mavortius, De Ecclesia 1-38","ref":"1","level":null,"urn":null,"url":"https://interlinea.aeterna-institute.org/library/latin/mavortius/de-ecclesia/1","api":"https://interlinea.aeterna-institute.org/api/v1/library/latin/mavortius/de-ecclesia/1","markdown":"https://interlinea.aeterna-institute.org/library/latin/mavortius/de-ecclesia/1.md","author":{"name":"Mavortius","url":"https://interlinea.aeterna-institute.org/library/latin/mavortius"},"work":{"title":"De Ecclesia","url":"https://interlinea.aeterna-institute.org/library/latin/mavortius/de-ecclesia","urn":"urn:cts:latinLit:stoa0195a.stoa002"},"verse":true,"words":291,"text":"Tectum augustum ingens, centum sublime columnis,\nreligione patrum laetum I et uenerabile templum\nhoc dedit esse suum I superi regnator Olympi.\nnam deus omnipotens, I qui res hominumque deumque\naeternis regit imperiis, I 'quo tenditis?' inquit\n'hic domus est uobis, I haec ara tuebitur omnis.'\nhic matres puerique simul I mixtaeque puellae\nsacra canunt I pariterque oculos ad sidera tollunt,\nhic exaudiri uoces, I hic uota precesque:\nnoctes atque dies I ferit aurea sidera clamor.\npostquam prima quies I et facta silentia tectis,\nincipit effari I diuino ex ore sacerdos:\n'accipite haec animis laetasque aduertite mentes,\nmatres atque uiri, I pueri innuptaeque puellae.\ndiscite iustitiam moniti I et spes discite uestras.\nhaut incerta cano: I deus aethere missus ab alto,\nipsius a solio regis, I uia prima salutis,\nquem nobis I partu sub luminis edidit oras\nuirginis os habitumque gerens I, mirabile dictu.\nore (dei) I adflata est spiritu propiore canitque:\nsic noua progenies I caelo descendit ab alto.\nast ubi iam firmata deum te prodidit aetas,\nnegauere deum I miseri, quibus ultimus esset\nille dies, I quando furentes ac dira canentes\ninsontem I magno ad regem clamore trahebant.\nille nihil, I namque ipse uolens, seque obtulit ultro,\nhoc ipsum ut strueret, I uatum praedicta priorum\nprodere iussa dei, I telluris operta subire.\nprimus ibi ante omnes, I sceptrum qui forte gerebat,\nsustulit ablutas lymphis ad sidera palmas,\nhoc dicens: I 'equidem in iusto nil tale repertum:\nnec fas. I o miseri, quae tanta insania, ciues?\n(at) me nulla dies tantis neque fortibus ausis\naddiderit socium. I uestra' inquit 'munera nobis!\nuos animam hanc potius quocumque absumite leto.'\ntum magis atque magis I magnis furoribus acti\nclamores simul horrendos ad sidera tollunt\net magis atque magis I poenas cum sanguine poscunt.","prev":null,"next":{"citation":"De Ecclesia 39-78","label":"Lines 39-78","url":"https://interlinea.aeterna-institute.org/library/latin/mavortius/de-ecclesia/39","api":"https://interlinea.aeterna-institute.org/api/v1/library/latin/mavortius/de-ecclesia/39"},"credit":{"text":"Mavortius, De Ecclesia, ed. Karl Schenkl, Michael Petschenig, Robinson Ellis, Georg Brandes. Text: Open Greek and Latin, CSEL (University of Leipzig), CC BY-SA 4.0. Changes: notes and apparatus removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/csel-dev/blob/master/data/stoa0195a/stoa002/stoa0195a.stoa002.opp-lat1.xml","quality":"ocr"}}