{"kind":"section","lang":"la","language":"Latin","title":"De Ecclesia 39-78","citation":"Mavortius, De Ecclesia 39-78","ref":"39","level":null,"urn":null,"url":"https://interlinea.aeterna-institute.org/library/latin/mavortius/de-ecclesia/39","api":"https://interlinea.aeterna-institute.org/api/v1/library/latin/mavortius/de-ecclesia/39","markdown":"https://interlinea.aeterna-institute.org/library/latin/mavortius/de-ecclesia/39.md","author":{"name":"Mavortius","url":"https://interlinea.aeterna-institute.org/library/latin/mavortius"},"work":{"title":"De Ecclesia","url":"https://interlinea.aeterna-institute.org/library/latin/mavortius/de-ecclesia","urn":"urn:cts:latinLit:stoa0195a.stoa002"},"verse":true,"words":296,"text":"has inter uoces I medio in flagrante tumultu\narboris obnixus trunco I — tibi, magne, tropaeum,\nomnipotens genitor — I palmas utrasque tetendit\nteque uocans I multo uitam cum sanguine fudit.\net tamen interea I tua nati maxima cura\nnon tulit hanc speciem; I grauiter commotus et alto\ndat clarum e caelo signum. I nam tempore in illo\nsol medium caeli conscenderat igneus orbem.\neripiunt subito nubes caelumque diemque\net nox atra polum bigis subuecta tenebat.\ntris tenuit diei spatium non amplius horas:\ntum repetens iterum sua I clara in luce refulsit\nnona diei melior I rebus iam rite peractis.\ninde datum molitur iter. iamque arua tenebat\nscrupea, tuta lacu nigro nemorumque tenebris\nut statim ad fauces uenit graue olentis Auerni,\ntum demam horrisono stridentis cardine portae\npanduntur uastae I solidoque adamante columnae,\nsponte sua I umbrosae penitus patuere cauernae.\ningreditur linquens antrum; I tum maxima turba,\nut uidere deum fulgentiaque ora per umbras,\ningenti trepidare metu. I nec plura moratus\nhaec ait I et dictis maerentia pectora mulcet:\n'ne trepidate, meae I animaeque umbraeque paternae:\nuobis parta quies. I genitor mihi talia namque\ndicta dedit: I prope uos haec limina tendere adegit.'\nhaec fatus I animas, quae per iuga longa sedebant,\ndeturbat I miseransque antro submittit aperto\net dicto parens I supera ad conuexa reuexit.\ninterea magnam I subito uulgata per urbem\nfama uolat, I illum expirantem sedibus imis\niam reuocare gradum superasque euadere ad auras.\nobstipuere animis alii; set I sanguinis auctor\nse causam clamat crimenque caputque malorum,\net nodum informis leti trabe nectit ab alta\nproque suis meritis I superis concessit ab oris.\nnec minus interea I se matutinus agebat\nad socios, I quibus in mediis sic deinde locutus\nextulit os sacrum I claraque in luce refulsit,\nomnia longaeuo similis, I cunctisque repente (inprouisus ait〉: ‛. . . . .","prev":{"citation":"De Ecclesia 1-38","label":"Lines 1-38","url":"https://interlinea.aeterna-institute.org/library/latin/mavortius/de-ecclesia/1","api":"https://interlinea.aeterna-institute.org/api/v1/library/latin/mavortius/de-ecclesia/1"},"next":{"citation":"De Ecclesia 79-116","label":"Lines 79-116","url":"https://interlinea.aeterna-institute.org/library/latin/mavortius/de-ecclesia/79","api":"https://interlinea.aeterna-institute.org/api/v1/library/latin/mavortius/de-ecclesia/79"},"credit":{"text":"Mavortius, De Ecclesia, ed. Karl Schenkl, Michael Petschenig, Robinson Ellis, Georg Brandes. Text: Open Greek and Latin, CSEL (University of Leipzig), CC BY-SA 4.0. Changes: notes and apparatus removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/csel-dev/blob/master/data/stoa0195a/stoa002/stoa0195a.stoa002.opp-lat1.xml","quality":"ocr"}}