{"kind":"section","lang":"la","language":"Latin","title":"Elegiarum appendix 2","citation":"Maximianus, Elegiarum appendix 2","ref":"2","level":null,"urn":null,"url":"https://interlinea.aeterna-institute.org/library/latin/maximianus/elegiarum-appendix/2","api":"https://interlinea.aeterna-institute.org/api/v1/library/latin/maximianus/elegiarum-appendix/2","markdown":"https://interlinea.aeterna-institute.org/library/latin/maximianus/elegiarum-appendix/2.md","author":{"name":"Maximianus","url":"https://interlinea.aeterna-institute.org/library/latin/maximianus"},"work":{"title":"Elegiarum appendix","url":"https://interlinea.aeterna-institute.org/library/latin/maximianus/elegiarum-appendix","urn":null},"verse":true,"words":116,"text":"Lux oculis, lux blanda, meis lux mentibus apta!\nSic se fert clarum Lucifer ante diem.\nMe Veneris retines constrictum blanda catenis:\nDum + sub perdideris + tunc ego liber ero.\nNon aliter Leander gelidis remeabat in undis\n+ inter quem dubio + uincere fecit amor.\nHaud secus Achilles arsit Briseide flaua:\nIdem uictus erat cognitor ipse sui.\nSic Phoebum quondam cruciauit pectore Daphne,\nIncenditque animum plusque negando magis.\nNos aliter sors ista cremat: plus denique feruet\nQuem tu respicies: corpora grata trahis.\nNunc anulus cuperem fieri dilectus in auro,\nVt manibus teneris tu mea membra regas.\nObsequio facili semper tibi uinctus haberer\nCirculo dum religo corpus idemque tuum.\nSi nostram in ceris cupias mutare figuram,\nApplicitum labiis oscula blanda dabis.","prev":{"citation":"Elegiarum appendix 1","label":"Poem 1","url":"https://interlinea.aeterna-institute.org/library/latin/maximianus/elegiarum-appendix/1","api":"https://interlinea.aeterna-institute.org/api/v1/library/latin/maximianus/elegiarum-appendix/1"},"next":{"citation":"Elegiarum appendix 3","label":"Poem 3","url":"https://interlinea.aeterna-institute.org/library/latin/maximianus/elegiarum-appendix/3","api":"https://interlinea.aeterna-institute.org/api/v1/library/latin/maximianus/elegiarum-appendix/3"},"credit":{"text":"Maximianus, Elegiarum appendix. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/MAXIM%7Cappe%7C001","quality":"proofread"}}