{"kind":"section","lang":"la","language":"Latin","title":"Chronicon 626","citation":"Maximus Caesaraugustanus, Chronicon 626","ref":"626","level":null,"urn":null,"url":"https://interlinea.aeterna-institute.org/library/latin/maximus-caesaraugustanus/chronicon/626","api":"https://interlinea.aeterna-institute.org/api/v1/library/latin/maximus-caesaraugustanus/chronicon/626","markdown":"https://interlinea.aeterna-institute.org/library/latin/maximus-caesaraugustanus/chronicon/626.md","author":{"name":"Maximus Caesaraugustanus","url":"https://interlinea.aeterna-institute.org/library/latin/maximus-caesaraugustanus"},"work":{"title":"Chronicon","url":"https://interlinea.aeterna-institute.org/library/latin/maximus-caesaraugustanus/chronicon","urn":null},"verse":false,"words":119,"text":"Theodericus puer Hermenegildi filius 588 Constantinopoli moritur. Sisbertus interfector Hermenegildi martyris ob admissum grave scelus jussu Reccaredi regis, qui tunc regni infulis jam erat decoratus, Toleti publico supplicio deputatus, turpissima morte parricidii et aliorum scelerum poenas luit. Leander, Massona, Euphemius, et alii ab exsilio revocantur octavo Idus Septembris. Constantinopoli veneno moritur Licinianus metropolitanus, cui sufficitur Dominicus ex presbytero Hispalensi, valde senex, meritis et sanctitate clarus· Qui subscripsit concilio Toletano, ubi haeresis Ariana damnata est. Sub principium anni communione facta cum episcopis, et palatinis Arianis, ut redirent ad fidem catholicam, restituta et consecrata est ecclesia sanctae Mariae Toleti, praesentibus metropolitanis episcopis. Et ibidem Reccaredus rex a Massona consecratur et ungitur, ab Euphemio vero et Leandro metropolitanis Toleti et Hispalis coronatur.","prev":{"citation":"Chronicon 625","label":"625","url":"https://interlinea.aeterna-institute.org/library/latin/maximus-caesaraugustanus/chronicon/625","api":"https://interlinea.aeterna-institute.org/api/v1/library/latin/maximus-caesaraugustanus/chronicon/625"},"next":{"citation":"Chronicon 627","label":"627","url":"https://interlinea.aeterna-institute.org/library/latin/maximus-caesaraugustanus/chronicon/627","api":"https://interlinea.aeterna-institute.org/api/v1/library/latin/maximus-caesaraugustanus/chronicon/627"},"credit":{"text":"Maximus Caesaraugustanus, Chronicon, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1390/tmp1390/tmp1390.tmp1390.opp-lat1.xml","quality":"ocr"}}