{"kind":"section","lang":"la","language":"Latin","title":"De aucupio 2","citation":"Nemesianus, De aucupio 2","ref":"2","level":null,"urn":null,"url":"https://interlinea.aeterna-institute.org/library/latin/nemesianus/de-aucupio/2","api":"https://interlinea.aeterna-institute.org/api/v1/library/latin/nemesianus/de-aucupio/2","markdown":"https://interlinea.aeterna-institute.org/library/latin/nemesianus/de-aucupio/2.md","author":{"name":"Nemesianus","url":"https://interlinea.aeterna-institute.org/library/latin/nemesianus"},"work":{"title":"De aucupio","url":"https://interlinea.aeterna-institute.org/library/latin/nemesianus/de-aucupio","urn":null},"verse":true,"words":67,"text":"Cum nemus omne suo uiridi spoliatur honore,\nFultus equi niueis siluas pete protinus altas\nExuuiis: praeda est facilis et amoena scolopax.\nCorpore non Paphiis auibus maiore uidebis.\nIlla sub aggeribus primis, qua profluit umor,\nPascitur, exiguos sectans obsonia uermes.\nAt non illa oculis, quibus est obtusior, etsi\nSint nimium grandes, sed acutis naribus instat:\nImpresso in terram rostri mucrone, sequaces\nVermiculos trahit et uili dat praemia gulae.","prev":{"citation":"De aucupio 1","label":"Poem 1","url":"https://interlinea.aeterna-institute.org/library/latin/nemesianus/de-aucupio/1","api":"https://interlinea.aeterna-institute.org/api/v1/library/latin/nemesianus/de-aucupio/1"},"next":null,"credit":{"text":"Nemesianus, De aucupio. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/NEMES%7Caucu%7C001","quality":"proofread"}}