{"kind":"section","lang":"la","language":"Latin","title":"Optice 166","citation":"Newton, Optice 166","ref":"166","level":null,"urn":null,"url":"https://interlinea.aeterna-institute.org/library/latin/newton/optice/166","api":"https://interlinea.aeterna-institute.org/api/v1/library/latin/newton/optice/166","markdown":"https://interlinea.aeterna-institute.org/library/latin/newton/optice/166.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":226,"text":"Qua forma ac Specie hae Series tum apparerent, cum Vitra arctissime invicem appressa essent, quo Macula nigra se in Centro videndam exhiberet; delineatum est in secundo Schemate: Ubi a, b, c, d, e: f, g, h, i, k: I, m, n, o, p: qr: s, t: υ, x: y, z; repraesentant Colores ex ordine a Centro numeratos; nigrum, caeruleum, album, flavum, rubeum: violaceum, caeruleum, viridem, flavum, rubeum: purpureum, caeruleum, viridem, flavum, rubeum: viridem, rubeum: caeruleum subviridem, rubeum: caeruleum subviridem, rubeum pallescentem: caeruleum subviridem, album rubescentem. BS. Ut Intervallum Vitrorum, sive Crassitudo interjectae lamellae Aereae, qua quisque Color produceretur, quaenam esset definirem; dimensus sum Diametros sex priorum Annulorum, qua parte Orbitae ipsorum lucidissimae essent; istarumque Diametrorum Quadrata inveni in Arithmetica esse Progressione numerorum imparium, 1, 3, 5, 7, 9, 11: Quare, cum Vitrorum illorum alterum Planum esset, alterum Sphaericum; utique Intervalla ipsorum, qua parte Annuli isti apparebant, in eadem fuerint Progressione necesse est. Dimensus sum quoque Diametros Annulorum nigrorum sive obscurorum, Coloribus illis lucidioribus interjectorum; earumque Quadrata inveni in Arithmetica esse Progressione numerorum parium 2, 4. 6, 8, 10, 12. Quoniam autem res admodum difficilis est, multaeque diligentiae, hujusmodi Mensuras accurate & sine Errore colligere; cepi easdem iterum & saepius, & in diversis partibus Vitrorum; ut ex singularum responsu inter se, certum scirem Omnium Veritatem. Atque eadem Methodo in aliis quibusdam ex sequentibus Observationibus definiendis usus sum. VI. pii OBS.","prev":{"citation":"Optice 165","label":"LIBER SECUNDUS","url":"https://interlinea.aeterna-institute.org/library/latin/newton/optice/165","api":"https://interlinea.aeterna-institute.org/api/v1/library/latin/newton/optice/165"},"next":{"citation":"Optice 167","label":"LIBER SECUNDUS","url":"https://interlinea.aeterna-institute.org/library/latin/newton/optice/167","api":"https://interlinea.aeterna-institute.org/api/v1/library/latin/newton/optice/167"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}