{"kind":"section","lang":"la","language":"Latin","title":"Optice 19","citation":"Newton, Optice 19","ref":"19","level":null,"urn":null,"url":"https://interlinea.aeterna-institute.org/library/latin/newton/optice/19","api":"https://interlinea.aeterna-institute.org/api/v1/library/latin/newton/optice/19","markdown":"https://interlinea.aeterna-institute.org/library/latin/newton/optice/19.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":191,"text":"chartam coloratam; D G partem ejus caeruleam; FE partem rubeam; MN Lentem; HI chartam albam eo in loco positam, ubi partis rubeae imago, una cum suis lineis nigris, distincta videbatur; & h i eandem chartam eo in loco positam, ubi partis caeruleae imago videbatur distincta. Locus b i sesqui-unciae intervallo propius, quam locus HI, a Lente MN distabat. Scholium. Idem erit hujusce Experimenti Eventus, utcunque quaedam Circumstantiae varientur. Exempli gratia: In primo Experimento, si Prisma & Charta ad CIE. Horizontem quavis propertiore inclinentur; & in utroque Experimento, si lineae coloratae super charta nigerrima ductae sint; exitus Experimenti nihil immutabitur. Verum enimvero, in hisce Experimentis describendis, cas volui adhibere Circumstantias, quibus vel ipsum Phaenomenon clarius atque evidentius exhiberi posset, vel quibus Tiro rem facilius experiretur, vel tandem quibus solis ut ipse usus fuerim acciderit. Atque hoc idem saepius in sequentibus Experimentis describendis feci: De quibus omnibus hoc in loco Lectorem semel monuisse, satis sit. Observandum est autem, ex hisce Experimentis non id continuo effici, ut illud omne Lumen, quod e charta caerulea fluit, magis refrangibile putandum sit, quam id omne quod fluat e rubea: Utrumque enim istorum Luminum ex radiis diverse refrangibilibus compositum est.","prev":{"citation":"Optice 18","label":"DIVMECII","url":"https://interlinea.aeterna-institute.org/library/latin/newton/optice/18","api":"https://interlinea.aeterna-institute.org/api/v1/library/latin/newton/optice/18"},"next":{"citation":"Optice 20","label":"DIVMECII","url":"https://interlinea.aeterna-institute.org/library/latin/newton/optice/20","api":"https://interlinea.aeterna-institute.org/api/v1/library/latin/newton/optice/20"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}