{"kind":"section","lang":"la","language":"Latin","title":"Optice 265","citation":"Newton, Optice 265","ref":"265","level":null,"urn":null,"url":"https://interlinea.aeterna-institute.org/library/latin/newton/optice/265","api":"https://interlinea.aeterna-institute.org/api/v1/library/latin/newton/optice/265","markdown":"https://interlinea.aeterna-institute.org/library/latin/newton/optice/265.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":164,"text":"Unciae; tumque deinde Macula ea, tenebrosa fieri caepta est in media sur parte. Cum autem illud Radiorum Intervallum, factum esset porro circiter 1/3 Unciae; tum Macula ista Alba, fiebat deinceps Annulus, ambiens scilicet maculam rotundam tenebrosam, quae in media sui parte Colorem ipsa trahere caepit violaceum atqe indicum: Annuli autem lucidi, Maculam hanc novam ambientes, facti erant jam aequales Annulis illis Tenebrosis, qui in Quatuor primis Observationibus hosce ipsos singuli singulos proxime ambierant; Hoc est, Macula Alba erat jam factus Annulus Albus, aequalis primo Annulorum illorum Tenebrosorum; & primus Annulorum illorum lucidorum, factus erat jam aequalis ei, qui fuerat secundus tenebrosorum; & secundus Annulorum illorum lucidorum, aequalis jam ei, qui fuerat tertius tenebrosorum; & sic deinceps. Etenim Diametri Annulorum lucidorum, erant jam 11, 21, 2/, 31, &c, Unciae. Quum Radiorum Incidentis ac Reflexi distantia inter se, paulo adhuc major esset facta; Emergebat deinde e medio Maculae nigrae jam dictae, post colorem illum indicum, caeruleus; & deinceps ex eo caeruleo, viridis pallescens; brevi autem postea, flavus quoque & rubeus.","prev":{"citation":"Optice 264","label":"OPTICES","url":"https://interlinea.aeterna-institute.org/library/latin/newton/optice/264","api":"https://interlinea.aeterna-institute.org/api/v1/library/latin/newton/optice/264"},"next":{"citation":"Optice 266","label":"OPTICES","url":"https://interlinea.aeterna-institute.org/library/latin/newton/optice/266","api":"https://interlinea.aeterna-institute.org/api/v1/library/latin/newton/optice/266"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}