{"kind":"section","lang":"la","language":"Latin","title":"Optice 283","citation":"Newton, Optice 283","ref":"283","level":null,"urn":null,"url":"https://interlinea.aeterna-institute.org/library/latin/newton/optice/283","api":"https://interlinea.aeterna-institute.org/api/v1/library/latin/newton/optice/283","markdown":"https://interlinea.aeterna-institute.org/library/latin/newton/optice/283.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":221,"text":"Cumque omnes porro evanuissent; lineaque luminosa intermedia, valde lata esset facta, extendens sese utroque in radiationes illas in Quinta supra Observatione memoratas: Caepit deinceps apparere Umbra antedicta in medio hujus lineae, eamque mediam divisit in binas lineas luminosas, ipsaque augebatur porro usque, donec totum Lumen evanesceret. Utique tanta erat haec Fimbriarum amplificatio, ut radii qui ad Fimbriam interiorem proficiscuntur, viderentur amplius viginti partibus Magis esse inflexi tum, quum illa prope esset ut evanesceret, quam quum Cultrorum alter esset submotus. Atque ex hac quidem & superiore Observationibus inter se collatis, id colligo: utique Lumen primae Fimbriae transiisse praeter Cultri Aciem, interjecto intervallo majore quam partis Unciae; lumenque secundae Fimbriae transiisse majore intervallo interjecto, quam fecerat lumen primae; lumenque tertiae, majori adhuc intervallo quam lumen secundae; lumen autem Radiationum illarum in Quinta & Sexta Observationibus descriptarum, transiisse propius Cultrorum Acies, quam fecerat ulla Fimbriarum. OBS. VIII. Cum duos Cultros ita acui jussissem, ut Acies eis admodum exactae atque rectae essent datae; mucronesque ipsorum ita in Tabulam infixissem, ut Acies eorum & essent invicem obversae, & concurrentes prope a Mucronibus Angulum rectilineum continerent inter se; Manubria eorum deinceps, interposita Picis massula, interjunxi; ne posset Angulus iste torquendo variari. Distantia Acierum Cultrorum inter se, intervallo quatuor Unciarum a puncto Angulato ubi Acies istae concurrebant, erat; Unciae; ideoque Angulus, quem Acies inter se concurrentes continerent, erat circiter gradus 1, 54.","prev":{"citation":"Optice 282","label":"LIBER TERTIUS","url":"https://interlinea.aeterna-institute.org/library/latin/newton/optice/282","api":"https://interlinea.aeterna-institute.org/api/v1/library/latin/newton/optice/282"},"next":{"citation":"Optice 284","label":"LIBER TERTIUS","url":"https://interlinea.aeterna-institute.org/library/latin/newton/optice/284","api":"https://interlinea.aeterna-institute.org/api/v1/library/latin/newton/optice/284"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}