{"kind":"section","lang":"la","language":"Latin","title":"Optice 285","citation":"Newton, Optice 285","ref":"285","level":null,"urn":null,"url":"https://interlinea.aeterna-institute.org/library/latin/newton/optice/285","api":"https://interlinea.aeterna-institute.org/api/v1/library/latin/newton/optice/285","markdown":"https://interlinea.aeterna-institute.org/library/latin/newton/optice/285.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":252,"text":"OBS. IX. Cum Radii inciderent valde oblique super Normam, intervallo; Unciae a Cultris; Linea obscura inter primam & secundam Fimbriam Umbrae Cultri unius, & linea obscura inter primam & secundam Fimbriam Umbrae Cultri alterius, concurrebant inter se, intervallo Unciae ab extremo illo Lumine quod inter Cultros in Acierum suarum concursu transmittebatur. Ideoque distantia Acierum Cultrorum inter se, qua parte hae lineae obscurae concurrebant, erat pars Unciae. Nam ut quatuor Unciae, ad partem Unciae: ita est quaevis longitudo Acierum Cultrorum, a puncto concursus sui dimensa; ad distantiam Acierum istarum inter se, qua parte eae interjecto longitudinis istius intervallo a puncto concursus distant: nimirum ita est, pars Unciae, ad iè, partem Unciae. Itaque Lineae illae obscurae supra memoratae, concurrunt in medio ejus Luminis, quod inter Cultrorum Acies transmittitur qua parte eae distant inter se 1, partem Unciae: Parsque dimidia ejus Luminis transit praeter Aciem Cultri unius, intervallo non majore „ partis Unciae; incidensque in Chartam, exhibet ibi fimbrias Umbrae Cultri istius: Pars autem altera dimidia ejus Luminis, transit praeter Aciem Cultri alterius, intervallo itidem non majori partis Unciae, incidensque in Chartam, exhibet ibi fimbrias Umbrae Cultri alterius. Verum si Charta illa, qua radii excipiantur, distet a Cultris intervallo majori quam partis Unciae; utique lineae obscurae supra memoratae, concurrent jam inter se majori intervallo, quam, partis Unciae, ab extremo illo Lumine quod inter Cultros in Acierum suarum concursu transmittitur; ideoque lumen quod incidit in Chartam qua parte Lineae istae obscurae concurrunt inter se, transmittitur jam ipsum quidem inter Cultros qua parte Acies ipsorum distant inter se amplius parte Unciae.","prev":{"citation":"Optice 284","label":"LIBER TERTIUS","url":"https://interlinea.aeterna-institute.org/library/latin/newton/optice/284","api":"https://interlinea.aeterna-institute.org/api/v1/library/latin/newton/optice/284"},"next":{"citation":"Optice 286","label":"LIBER TERTIUS","url":"https://interlinea.aeterna-institute.org/library/latin/newton/optice/286","api":"https://interlinea.aeterna-institute.org/api/v1/library/latin/newton/optice/286"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}