{"kind":"section","lang":"la","language":"Latin","title":"Optice 296","citation":"Newton, Optice 296","ref":"296","level":null,"urn":null,"url":"https://interlinea.aeterna-institute.org/library/latin/newton/optice/296","api":"https://interlinea.aeterna-institute.org/api/v1/library/latin/newton/optice/296","markdown":"https://interlinea.aeterna-institute.org/library/latin/newton/optice/296.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":126,"text":"Adhaec, acidus Sulphuris vapor, (is videlicet, qui suâ Campana istildistillat in Oleum Sulphuris,) introdans sese in corpus fixum Nitri, Spiritum Nitri etiamnum expedit ac laxat, ingentemque excitat fermentationem: qua porro & Calor augetur, Nitrique corpus fixum rarefit in Fumum, Explosioque etiam adhuc vehementior fit atque acutior. Etenim si Sal Tartari insuper admisceatur Pulveri Tormentario; eaque permixtio calefiat gradatim, usque dum ignem concipiat; utique Explosio porro adhuc etiam amplius violenta atque acuta reddetur: Id quod nulla alia sane ex causa oriri potest, quam ex Actione Vaporis pulveris tormentarii in salem Tartari. Explosio itaque Pulveris tormentarii, oritur ex celeri ac violenta Actione, qua tota Permixtio subito & vehementer calefacta, rarefit utique, & convertit se in Fumum sive Vaporem; Qui denique Vapor, Actionis istius violentia eodem tempore candefactus, Flammae nimirum speciem exhibet.","prev":{"citation":"Optice 295","label":"LIBER TERTIUS","url":"https://interlinea.aeterna-institute.org/library/latin/newton/optice/295","api":"https://interlinea.aeterna-institute.org/api/v1/library/latin/newton/optice/295"},"next":{"citation":"Optice 296-2","label":"296","url":"https://interlinea.aeterna-institute.org/library/latin/newton/optice/296-2","api":"https://interlinea.aeterna-institute.org/api/v1/library/latin/newton/optice/296-2"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}