{"kind":"section","lang":"la","language":"Latin","title":"Optice 299","citation":"Newton, Optice 299","ref":"299","level":null,"urn":null,"url":"https://interlinea.aeterna-institute.org/library/latin/newton/optice/299","api":"https://interlinea.aeterna-institute.org/api/v1/library/latin/newton/optice/299","markdown":"https://interlinea.aeterna-institute.org/library/latin/newton/optice/299.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":212,"text":"Annon hi Colores oriuntur ex similibus Motibus excitatis jam digiti pressu in fundo Oculi, ac alias Lumine ibi excitari solent ad Sensum Videndi movendum? Et quum Aliquis Oculi percussu, Fulgorem quendam quasi Luminis coruscantem sibi videre videtur: annon istiusmodi Motus in Tunica retina tum excitantur isto Percussu? Qu. 17. Annon aliae sunt adhuc Radiorum Luminis Proprietates congenitae, praeter eas quae jam ante descriptae sunt? Utique aliam congenitam Proprietatem, aperit nobis Refractio Crystalli Istandicae; quam quidem primo descripsit Erasmus Bartholinus; accuratius autem postea Hugenius, in Libro suo de Lumine Gallice edito. Est Crystallus ista, Lapis pellucidus & fissilis; aquam, vel crystallum derupe, pelluciditate aequiparans; coloris expers; caloris adeo patiens, ut etiam candefieri possit, nec tamen in posterum translucere desinat; & calore vehementissimo in Calcem redigitur, nec tamen liquescit. In Aqua diem unum vel alterum macerata, polituram suam naturalem amittit. Panno affricta, attrahit sibi stramenta, & alia corpora levia; instar electri, aut vitri: Et, cum Aqua forti, ebullitionem ciet. Videtur esse Lapis ejus generis, quod vulgo Talcum appellant. Invenitur ea fere specie, quae est Parallelepipedi obliqui; lateribus sex parallelogrammis, & octo Angulis solidis. Parallelogrammorum Anguli obtusi, sunt graduum 101, 52'; acuti autem, graduum 78, 8. Vpr Angulorum solidorum duo, sibi invicem ex adverso oppositi, E & C, continentur ternis Angulis obtusis; reliqui autem sex, Angulis obtusis singulis, & binis acutis.","prev":{"citation":"Optice 298","label":"298","url":"https://interlinea.aeterna-institute.org/library/latin/newton/optice/298","api":"https://interlinea.aeterna-institute.org/api/v1/library/latin/newton/optice/298"},"next":{"citation":"Optice 300","label":"300","url":"https://interlinea.aeterna-institute.org/library/latin/newton/optice/300","api":"https://interlinea.aeterna-institute.org/api/v1/library/latin/newton/optice/300"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}