{"kind":"section","lang":"la","language":"Latin","title":"Optice 302","citation":"Newton, Optice 302","ref":"302","level":null,"urn":null,"url":"https://interlinea.aeterna-institute.org/library/latin/newton/optice/302","api":"https://interlinea.aeterna-institute.org/api/v1/library/latin/newton/optice/302","markdown":"https://interlinea.aeterna-institute.org/library/latin/newton/optice/302.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":252,"text":"Ducatur deinde VX, parallela & aequalis lineae KL; ducatur autem ita, ut jaceat illa ad easdem partes a V, ad quas L jacet a K; Et junge TX; Eritque haec linea TX, radius refractus alter, inusitata videlicet Refractione delatus a T ad X. Jam si igitur radius ille incidens ST, incidat utique ad perpendiculum in superficiem refringentem; erunt bini isti radii TV & TX, in quos ille refringendo erit dispertitus, paralleli facti lineis CK & CL. Altero nimirum istorum radiorum se ad perpendiculum per crystallum transmittente, quomodo ex usitatis Optices legibus fieri debet; Altero autem TX, per Refractionem inusitatam, divergente a linea perpendiculari, & continente cum ea Angulum VTX, graduum circiter 63; uti experientia quidem compertum est. Atque hinc Planum VTX, eique similia Plana, quae quidem parallela sunt Plano CFK, appellari poterunt Plana perpendicularis Refractionis: Et Plaga ea, quo spectant lineae KL. & VX, a K & V ductae, appellari poterit Plaga musitatae Refractionis. Simili ratione, Crystallus de rupe geminam habet Refractionem. Verum differentia duarum Refractionum minor est, nec tam manifesta, quam in Crystallo Istandica. Quum radius ST, qui in primam Crystalli Istandicae superficiem inciderat, dispertitus est in duos radios TV & TX; iique duo radii, ad posteriorem Crystalli superficiem perveniunt; Radius ille TV, qui in prima superficie refractus fuerat ratione usitata, idem, in secunda superficie, usitata iterum ratione integer refringetur; Radiusque alter TX, qui in prima superficie refractus fuerat ratione inusitata, idem, in secunda superficie, inusitata iterum ratione integer refringetur: Adeo ut hi ambo radii emersuri sint e secunda illa superficie, in lineis primo incidenti radio ST parallelis.","prev":{"citation":"Optice 301","label":"301","url":"https://interlinea.aeterna-institute.org/library/latin/newton/optice/301","api":"https://interlinea.aeterna-institute.org/api/v1/library/latin/newton/optice/301"},"next":{"citation":"Optice 303","label":"303","url":"https://interlinea.aeterna-institute.org/library/latin/newton/optice/303","api":"https://interlinea.aeterna-institute.org/api/v1/library/latin/newton/optice/303"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}