{"kind":"section","lang":"la","language":"Latin","title":"Optice 339","citation":"Newton, Optice 339","ref":"339","level":null,"urn":null,"url":"https://interlinea.aeterna-institute.org/library/latin/newton/optice/339","api":"https://interlinea.aeterna-institute.org/api/v1/library/latin/newton/optice/339","markdown":"https://interlinea.aeterna-institute.org/library/latin/newton/optice/339.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":250,"text":"Videtur etiam simul consequi ex Emissione Luminis: Nam Radius, ac e lucente corpore per vibrantem partium ipsius Motum excussus sit, & e sphaera Attractionis ejus evaEteserit; ingenti admodum velocitate propellitur. nim eadem Vis, quae in Reflexione ad radium repellendum valet, possit etiam ad eundem emittendum valere. Porro, videtur etiam consequi ex Productione Aeris & Vaporum: Nam particulae e corporibus excussae per calorem vel fermentationem, simul ac e Sphaera Attractionis corporis sui evaserint, recedunt deinceps & ab illo & a se invicem magna cum Vi; rursumque accedere fugiunt: ita ut nonnunquam amplius decies centies millies tantum spatii occupare noscantur, quam quantum cum corporis densi formam haberent; Quae tam ingens Contractio & Expansio, animo sane concipi vix potest, si particulae Aeris fingantur elasticae & ramosae, vel viminum lentorum intra se in circulos intortorum instar esse, vel ulla alia ratione, nisi ita si Vim repellentem habent, quâ a se mutuo fugiant. Corporum fluidorum particulae, quae quidem non nimis firme inter se cohaereant, eaque sint parvitate, qua facillime agitationes illas suscipiant, in quibus Liquorum fluiditas consistit; facillime separantur & in Vapores rarefiunt, sive, ut loquuntur Chymici, volatiles sunt; leni videlicet calore rarescentes, & levi itidem frigore condensatae. At illae, quae sint crassiores, adeoque difficilius agitentur, vel fortiori inter se Attractione cohaereant; non nisi fortiori calore separari possunt, fortasse etiam non nili accedente fermentatione. Atque haec quidem sunt Corpora illa, quae Chymici fixa appellant; quaeque fermentatione rarefacta, verus fiunt & permanent Aer: lis nimirum particulis a se invicem maxima cum Vi recedentibus, & difficillime in unum coactis; quae eaedem, cum inter se contingant, cohaerent arctissime.","prev":{"citation":"Optice 338","label":"338","url":"https://interlinea.aeterna-institute.org/library/latin/newton/optice/338","api":"https://interlinea.aeterna-institute.org/api/v1/library/latin/newton/optice/338"},"next":{"citation":"Optice 340","label":"340","url":"https://interlinea.aeterna-institute.org/library/latin/newton/optice/340","api":"https://interlinea.aeterna-institute.org/api/v1/library/latin/newton/optice/340"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}