{"kind":"section","lang":"la","language":"Latin","title":"Optice 37","citation":"Newton, Optice 37","ref":"37","level":null,"urn":null,"url":"https://interlinea.aeterna-institute.org/library/latin/newton/optice/37","api":"https://interlinea.aeterna-institute.org/api/v1/library/latin/newton/optice/37","markdown":"https://interlinea.aeterna-institute.org/library/latin/newton/optice/37.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":250,"text":"Attamen una eademque cum esset omnium Incidentia; alii Radiorum magis refringebantur, alii minus. Quique in priori Prismate majori Refractione longius e via detorti fuerant; iidem in hoc secundo Prismate iterum magis Refracti sunt: Ac proimde, quum certa ac constanti ratione plus, quam reliqui, refringantur; merito appellari possunt Magis Refrangibiles. ib il Exper. 7. Ad bina foramina in fenestrae operculo. parvo intervallo inter se distantia, Prismata singula apposui; quibus duae oblongae & coloratae Solis Imagines in opposito pariete (quomodo in tertio supra Experimento factum est) depingerentur. Tum ante Parietem, parvo spatio interjecto, chartam longam & exilem, lateribus rectis interque se parallelis, collocavi: Et tum Prismata tum chartam ita disposui, ut color rubeus unius Imaginis directo in unam partem dimidiam chartae incideret, & color violaceus alterius Imaginis directo in alteram partem dimidiam ejusdem Chartae: Adeo ut Charta ista bicolor videretur, rubea & violacea; simili fere ratione, ac charta illa in Experimentis primo & secundo, quam colore rubeo atque indico infeceram. Deinde Parietem, qui post Chartam erat, panno nigerrimo obtexi; nequid Luminis inde reflecteretur, quo Experimentum posset interturbari. Quibus ita dispositis; Chartam per tertium Prisma ipsi parallelum inspiciens, observabam dimidiam ipsius partem eam, quae erat Lu mine violaceo illustrata, abruptam majori Refractione, & quasi reliqua charta abscissam videri; Praesertim cum eam e longinquo inspicerem. Cum enim nimis e propinquo inspiciebam; chartae dimidia non jam penitus inter se disjuncta videbantur, sed angulo uno cohaerentia; ut faciebat charta bicolor in primo Experimento. Quod idem tum quoque accidebat, cum forte charta uterer nimium lata. Interdum, Chartae loco, filo albo usus sum: Idque.","prev":{"citation":"Optice 36","label":"PROP. II. THEOR. II","url":"https://interlinea.aeterna-institute.org/library/latin/newton/optice/36","api":"https://interlinea.aeterna-institute.org/api/v1/library/latin/newton/optice/36"},"next":{"citation":"Optice 38","label":"PROP. II. THEOR. II","url":"https://interlinea.aeterna-institute.org/library/latin/newton/optice/38","api":"https://interlinea.aeterna-institute.org/api/v1/library/latin/newton/optice/38"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}