{"kind":"section","lang":"la","language":"Latin","title":"Optice 4","citation":"Newton, Optice 4","ref":"4","level":null,"urn":null,"url":"https://interlinea.aeterna-institute.org/library/latin/newton/optice/4","api":"https://interlinea.aeterna-institute.org/api/v1/library/latin/newton/optice/4","markdown":"https://interlinea.aeterna-institute.org/library/latin/newton/optice/4.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":222,"text":"Denique sicut in Conicis sectionibus ubi duae parallelae ad Curvam utrinque terminatae secantur a duabus parallelis ad Curvam utrinque terminatis, prima a tertia & secunda a quarta, rectangulum partium primae est ad rectangulum partium tertiae ut rectangulum partium secundae ad rectangulum partium quartae: sic ubi quatuor tales rectae occurrunt Curvae secundi generis, singulae in tribus punctis, parallelepipedum partium primae rectae erit ad parallelepidedum partium tertiae, ut parallelepipedum partium secundae ad parallelepipedum partium quartae. Curvarum secundi & superiorum generum aeque atque primi crura omnia in infinitum progredientia vel Hyperbolici sunt generis vel Parabolici. Crus Hyperbolicum voco quod ad Asymptoton aliquam in infinitum appropinquat, Parabolicam quod Asymptoto destituitur. Haec crura ex tangentibus optime dignoscuntur. Nam si punctum contactus in infinitum abeat, tangens cruris Hyperbolici cum Asymptoto coincidet & tangens cruris Parabolici in infinitum recedet, evanescet & nullibi reperietur. Invenitur igitur Asymptotos cruris cujusvis quaerendo tangentem cruris illius ad punctum infinite distans. Plaga autem cruris infiniti invenitur quaerendo positionem rectae cujusvis quae tangenti parallela est ubi punctum contactus in infinitum abit. Nam haec recta DtIrO in eandem plagam cum crure infinito dirigitur. VIII. Lineae omnes Ordinis primi, tertii, quinti, sep Reductio Curtimi & imparis cujusque duo habent ad minimum varum omnium generis secundi ad crura in infinitum versus plagas oppositas progreaequationum casus dientia. Et lineae omnes tertii Ordinis duo habent quatuor. Casus ejusmodi crura in plagas oppositas progredientia in primus.","prev":{"citation":"Optice 3","label":"ENUMERATIO","url":"https://interlinea.aeterna-institute.org/library/latin/newton/optice/3","api":"https://interlinea.aeterna-institute.org/api/v1/library/latin/newton/optice/3"},"next":{"citation":"Optice 8-2","label":"ENUMERATIO","url":"https://interlinea.aeterna-institute.org/library/latin/newton/optice/8-2","api":"https://interlinea.aeterna-institute.org/api/v1/library/latin/newton/optice/8-2"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}