{"kind":"section","lang":"la","language":"Latin","title":"Optice 41","citation":"Newton, Optice 41","ref":"41","level":null,"urn":null,"url":"https://interlinea.aeterna-institute.org/library/latin/newton/optice/41","api":"https://interlinea.aeterna-institute.org/api/v1/library/latin/newton/optice/41","markdown":"https://interlinea.aeterna-institute.org/library/latin/newton/optice/41.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":179,"text":"Et pedetentim retrocedens, circulos istos pro eo, ac ipse gradum referrem, ad se invicem paulatim appropinquare, tandemque in unum plane coire videbam: Cumque deinceps adhuc longius recederem, illi in partes contrarias, ac prius, distrahebantur; quippe circulus violaceus majori Refractione rubeum praetervectus, etiam ulterius ferebatur. Exper. 8. Tempore aestivo, cum Lumen Solis fortissimum esse solet, Prisma ad fenestrae operculi foramen sicuti in tertio ante Experimento feceram, collocavi; ita tamen, ut Axis Prismatis parallelus esset Axi Terrae: Et ad oppositum Parietem, in Refracto Solis Lumine, Librum apertum statui. Tum intervallo sex pedum duarumque unciarum a Libro, Lentem supra memoratam erexi; qua Lumen a Libro reflexum, simili iterum sex pedum duarumque unciarum intervallo ultra Lentem in unum colligeretur; ibique Libri Imaginem super chartae albae plagula sic, quomodo fere in secundo supra Experimento factum est, depingeret. Quibus ita dispositis; Lenteque ac Libro, ne loco moverentur, fixis notavi accurate quo in loco chartae albae plagula tum esset posita, cum literae in Libro impressae, rubeo intensissimo Solaris Imaginis in librum incidentis lumine illustratae, sui Imagines super charta ista quam distinctissime depictas exhiberent. Deinde expectans, donec","prev":{"citation":"Optice 40","label":"PROP. II. THEOR. II","url":"https://interlinea.aeterna-institute.org/library/latin/newton/optice/40","api":"https://interlinea.aeterna-institute.org/api/v1/library/latin/newton/optice/40"},"next":{"citation":"Optice 41-2","label":"41","url":"https://interlinea.aeterna-institute.org/library/latin/newton/optice/41-2","api":"https://interlinea.aeterna-institute.org/api/v1/library/latin/newton/optice/41-2"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}