{"kind":"section","lang":"la","language":"Latin","title":"Optice 63","citation":"Newton, Optice 63","ref":"63","level":null,"urn":null,"url":"https://interlinea.aeterna-institute.org/library/latin/newton/optice/63","api":"https://interlinea.aeterna-institute.org/api/v1/library/latin/newton/optice/63","markdown":"https://interlinea.aeterna-institute.org/library/latin/newton/optice/63.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":274,"text":"Hoc est, sit ea Imago, cum Refractio secundi Prismatis minor sit, p t; cum Refractio ejusdem major sit, 2p 2t; cum maxima, 3 p 3t. Etenim ea erit Refractionum diversitas, si Angulus Refringens secundi Prismatis sit varia Magnitudine; puta quindecim aut viginti graduum, quum Imago sit pt; triginta aut quadraginta, quum 2p 21; & sexaginta, quum 3 p 3t. Verum enimvero defectu Prismatum ex Vitro solidorum, quorum Anguli ea sint qua oporteat Magnitudine; comparari poterunt Vasa ex politis Vitri lamellis in formam Prismatum, conclusa intus aqua, conglutinatis. His ita dispositis, observabam omnes Solis Imagines coloratas, PT, pt, 2p 21, 3p 31, convergere quamproxime ad eum ipsum locum S, quo directum Solis Lumen, quando, sublatis Prismatibus, albam rotundamque in pariete Solis Imaginem depingeret, incidebat. Axis Imaginis PT, productus; hoc est, linea ita per mediam Imaginem PT ducta, ut rectilineis ipsius lateribus parallela esset; transibat deinceps per Medium ipsum istius albae ac rotundae Imaginis S. Cumque Refractio secundi Prismatis, aequalis esset Refractioni prioris; quippe quorum Anguli Refringentes, essent circiter sexagenum graduum; Axis Imaginis 3p 31 ista Refractione effictae, ipse itidem productus transibat per medium ejusdem albae rotundaeque Imaginis S. Cum autem Refractio secundi Prismatis, minor esset Refractione prioris; Axes producti Imaginum tp aut 2t 2 p ista Refractione effictarum, intersecabant jam in punctis m & n, paulo ultra Centrum albae rotundaeque Imaginis S, Axem productum Imaginis T P. Unde Proportio Lineae 31 T ad Lineam 3p P, paulo major erat quam lineae 21T ad 2PP; haecque itidem paulo major, quam lineae 1 T ad pro P. Jam quum Lumen Imaginis PT incidat super parietem ad perpendiculum; lineae istae 31 T 3pP, & 21T, 2pP, & IT, pP, sunt Tangentes Refractionum.","prev":{"citation":"Optice 62","label":"PROP. VI. THEOR. V","url":"https://interlinea.aeterna-institute.org/library/latin/newton/optice/62","api":"https://interlinea.aeterna-institute.org/api/v1/library/latin/newton/optice/62"},"next":{"citation":"Optice 64","label":"PROP. VI. THEOR. V","url":"https://interlinea.aeterna-institute.org/library/latin/newton/optice/64","api":"https://interlinea.aeterna-institute.org/api/v1/library/latin/newton/optice/64"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}