{"kind":"section","lang":"la","language":"Latin","title":"Optice 65","citation":"Newton, Optice 65","ref":"65","level":null,"urn":null,"url":"https://interlinea.aeterna-institute.org/library/latin/newton/optice/65","api":"https://interlinea.aeterna-institute.org/api/v1/library/latin/newton/optice/65","markdown":"https://interlinea.aeterna-institute.org/library/latin/newton/optice/65.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":198,"text":"incidentem, Refringi ad Ca Plano RS in lineam CN: Et, si Linea CE, in quam alius quilibet Radius A C refringi debeat, quae sit quaeratur; sint MC, A D, Sinus Incidentiae duorum istorum Radiorum; & NG, EF, eorundem Sinus Refractionis; & exponantur aequales Radiorum Incidentium Motus, per lineas inter se aequales MC & AC: Tum, Motu MC ad Planum Refringens Parallelo existente, distinguatur Motus alter A C in duos Motus AD & DC, quorum alter A D parallelus, alter autem D C perpendicularis sit ad Superficiem Refringentem. Similiter, distinguantur Motus Emergentium Radiorum, in binos Motus; quorum ii, qui sunt perpendiculares, sint Kc CG, & CF. Quod si Vis Plani Refringentis incipiat agere in Radios vel jam in ipso Plano, vel certo interjecto intervallo, ex una parte; desinatque certo interjecto intervallo ex altera parte; & in omnibus locis intra istos limites sitis, agat in Radios in Lineis superficiei isti Refringenti perpendicularibus; actionesque ejus in Radios, in distantiis aequalibus a Plano Refringente, aequales sint; in distantiis autem inaequalibus, vel aequales sint, vel certa qualibet proportione inaequales: utique Motus radii is, qui sit Plano Refringenti Parallelus, nullam omnino ab ista Vi mutationem patietur; Motus autem is, qui sit Plano eidem Perpendicularis, mutabitur secundum Propositionis jam expositae Rationem.","prev":{"citation":"Optice 64","label":"PROP. VI. THEOR. V","url":"https://interlinea.aeterna-institute.org/library/latin/newton/optice/64","api":"https://interlinea.aeterna-institute.org/api/v1/library/latin/newton/optice/64"},"next":{"citation":"Optice 66","label":"PROP. VI. THEOR. V","url":"https://interlinea.aeterna-institute.org/library/latin/newton/optice/66","api":"https://interlinea.aeterna-institute.org/api/v1/library/latin/newton/optice/66"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}