{"kind":"section","lang":"la","language":"Latin","title":"Optice 72","citation":"Newton, Optice 72","ref":"72","level":null,"urn":null,"url":"https://interlinea.aeterna-institute.org/library/latin/newton/optice/72","api":"https://interlinea.aeterna-institute.org/api/v1/library/latin/newton/optice/72","markdown":"https://interlinea.aeterna-institute.org/library/latin/newton/optice/72.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":217,"text":"Quocirca eam partem Vitri, in qua hae bullulae inessent, charta nigra obtegebam; Lumineque per aliam vitri partem bullulis immunem transmisso; imago colorata immunis jam ab irregularibus illis radiationibus apparebat; eaque fere erat, quam optarem. Veruntamen adhuc Color Violaceus adeo obscurus debilisque fuit, ut in eo Linearum Imagines vix, & in fusci-hnun exi ipsius parte prope Imaginis extremitatem, omnino haud discernere potuerim. Suspicabar igitur fuscumolucum hunc debilemque Colorem, admixtum sibi habere posse aliquid Luminis illius quaquaversum dispersi, quod partim bullulis quibusdam perparvis intra Vitrum latentibus, partim Vitri facierum haud satis accurate perpolitarum inaequalitatibus, irregulariter refringeretur & reflecteretur: Quod quidem Lumen, quamvis parvum, tamen subalbidum cum esset, Sensum satis fortiter, ad E ep interturbanda debilis illius nubiqu; Coloris Violacei Phaenomena, afficere posset. Quamobrem explorabam, quomodo in 120, 130, & 14o Experimentis expositum est, annon hoc Lumen Violaceum constaret ex sensibili mixtura Radiorum Heterogeneorum. Verum apparebat, non ita se id habere. Neque enim Refractiones ex hoc Violaceo Lumine alium ullum Colorem, qui quidem Sensu percipi posset, praeter unum violaceum, eliciebant; uti ex albo Lumine omnino elicuissent; & consequenter ex hoc violaceo Lumine similiter elicuissent, si id ex albo Lumine, ita ut res sub sensum caderet, compositum fuisset. Concludebam itaque, Obscuritatem solummodo hujusce Coloris, & Luminis sui Tenuitatem, nimiamque ab Axe Lentis distantiam, in causa fuisse, quamobrem Linearum imagines in eo distincte discernere haud potuerim.","prev":{"citation":"Optice 71","label":"PROP. VII. THEOR. VI","url":"https://interlinea.aeterna-institute.org/library/latin/newton/optice/71","api":"https://interlinea.aeterna-institute.org/api/v1/library/latin/newton/optice/71"},"next":{"citation":"Optice 73","label":"PROP. VII. THEOR. VI","url":"https://interlinea.aeterna-institute.org/library/latin/newton/optice/73","api":"https://interlinea.aeterna-institute.org/api/v1/library/latin/newton/optice/73"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}