{"kind":"section","lang":"la","language":"Latin","title":"Optice 8","citation":"Newton, Optice 8","ref":"8","level":null,"urn":null,"url":"https://interlinea.aeterna-institute.org/library/latin/newton/optice/8","api":"https://interlinea.aeterna-institute.org/api/v1/library/latin/newton/optice/8","markdown":"https://interlinea.aeterna-institute.org/library/latin/newton/optice/8.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":218,"text":"Hocque idem eveniet, si radii a duabus, tribus, pluribusve Planis Sphaericisve superficiebus successive reflectantur vel refringantur. Punctum, a quo Radii divergunt, vel ad quod convergunt, appellari potest ipsorum Focus. Et, si Focus incidentium radiorum datus sit, Focus radiorum reflexorum aut refractorum inveniri poterit, computando binorum quorumvis radiorum refractionem, sicuti supra traditum est; vel etiam facilius, hoc modo. Cas. 1. Sit ACB Planum reflectens aut refringens, & Q Focus Incidentium Radiorum, & Qq C linea Plano isti perpendicularis. Jam si haec linea perpendicularis producatur ad q, ita ut q C fiat aequalis QC; punctum q erit Focus radiorum reflexorum. Vel, si q C capiatur ab iisdem partibus Plani, ac ipsa QC; habeatque eandem Proportionem ad QC, quam habet Sinus Incidentiae ad Sinum Refractionis; punctum q erit Focus radiorum refractorum. Cus. 2. Sit A CB Superficies reflectens cujusvis Sphaerae, cujus Centrum sit E. Biseca quemvis ipsius Radium (puta EC) in T. Et, si in isto Radio, ab iisdem partibus puncti T, sumantur puncta Q & qu, ita ut TQ, TE, & T q sint continue proportionales; & punctum Q sit Focus radiorum incidentium; punctum Cas. q erit Focus reflexorum. Cas. 3. Sit ACB Superficies refringens cujusvis Fig. 6. Sphaerae, cujus Centrum sit E. In quovis ipsius Radio aquale E C in utramque partem producto, capiantur seonsum ET & Ct ita, ut ad istum Radium eam proportionem","prev":{"citation":"Optice 7","label":"AXTOMATA","url":"https://interlinea.aeterna-institute.org/library/latin/newton/optice/7","api":"https://interlinea.aeterna-institute.org/api/v1/library/latin/newton/optice/7"},"next":{"citation":"Optice 9","label":"AXTOMATA","url":"https://interlinea.aeterna-institute.org/library/latin/newton/optice/9","api":"https://interlinea.aeterna-institute.org/api/v1/library/latin/newton/optice/9"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}