{"kind":"section","lang":"la","language":"Latin","title":"Optice 94","citation":"Newton, Optice 94","ref":"94","level":null,"urn":null,"url":"https://interlinea.aeterna-institute.org/library/latin/newton/optice/94","api":"https://interlinea.aeterna-institute.org/api/v1/library/latin/newton/optice/94","markdown":"https://interlinea.aeterna-institute.org/library/latin/newton/optice/94.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":222,"text":"Si haec, inquam, ita disposita sint; poteris, interponendo virgulam ferream, aut aliud quodlibet tenue opacum corpus, cujus latitudo sit circiter B Unciae; eoque pacto intercipiendo radios ad k, I, m, n, vel o; efficere, ut Colorum unus quilibet ad t, s, r, q, aut p, evanescat; dum reliqui, ut prius, super charta adhuc apparebunt, nihil immutati: Vel, interposita virgula paulo latiori, efficere poteris ut Colores bini quilibet, ternive, aut quaterni, nihil mutatis reliquis, evanescant: Adeo ut Colorum alius quilibet, aeque ac violaceus, possit exterior fieri in confinibus umbrae ad p; & alius quilibet, aeque ac rubeus, possit exterior fieri in confinibus umbrae ad t; item quilibet eorum possit confinis esse ei umbrae, quae, interpositu virgulae R intermediam aliquam Luminis partem intercipientis, in medio Imaginis intra ipsos colores fiat; & deniqu, quilibet eorum, si, interceptis reliquis, solus relinquatur, possit umbrae ex utraque sui parte simul confinis esse. Scilicet singuli Colores, quaelibet umbrarum confinia sine ullo discrimine ferunt: Et consequenter horum Colorum diversitas inter se, non oritur (quomodo Philosophi adhuc docuerunt) ex diversis Umbrarum confiniis, quibus Lumen varie modificetur. Caeterum id in hisce Experimentis capiendis observandum est; quanto foramina F & H tenuiora fiant, eorumque ac Prismatis intervalla sint majora, cubiculumque tenebrosius sit factum; tanto melius sub manus succedere Experimentum; modo Lueti iq men non usque eo diminuatur, quin Colores ad pt satis adhuc clare discerni queant.","prev":{"citation":"Optice 93","label":"LIBER PRIMUS","url":"https://interlinea.aeterna-institute.org/library/latin/newton/optice/93","api":"https://interlinea.aeterna-institute.org/api/v1/library/latin/newton/optice/93"},"next":{"citation":"Optice 95","label":"LIBER PRIMUS","url":"https://interlinea.aeterna-institute.org/library/latin/newton/optice/95","api":"https://interlinea.aeterna-institute.org/api/v1/library/latin/newton/optice/95"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}