{"kind":"section","lang":"la","language":"Latin","title":"Optice x","citation":"Newton, Optice x","ref":"x","level":null,"urn":null,"url":"https://interlinea.aeterna-institute.org/library/latin/newton/optice/x","api":"https://interlinea.aeterna-institute.org/api/v1/library/latin/newton/optice/x","markdown":"https://interlinea.aeterna-institute.org/library/latin/newton/optice/x.md","author":{"name":"Newton","url":"https://interlinea.aeterna-institute.org/library/latin/newton"},"work":{"title":"Optice","url":"https://interlinea.aeterna-institute.org/library/latin/newton/optice","urn":null},"verse":false,"words":384,"text":"pro, &; lege, vel post majora; adde, in latitudinem post, particulas; adde, coarctati & lege; ut Aurum plus habeat meatuum inter partes suas solidas, quam partium solidarum quibus meatus interjacent; & consequenter spatium vacuum in meatibus Aquae, spatium partibus solidis occupatum amplius quadragies superet. post, reperiat; adde, Magnes virtutem suam, sine ulla diminutione aut alteratione, integram transmittit per Corpora omnia frigida & non magnetica, ut Aurum, Argentum, Vitrum, Aquam. Vis gravitans Solis, (siquis eam quidem mechanice explicare velit,) transmittitur integra per ingentia Planetarum corpora; ita ut Vi aequabili, ad ipsa usque Centra, in omnes eorum partes agat; pro quantitate scilicet materiae, in quaque parte. Et Radii Luminis, sive sint illi exigua corpuscula, sive Motus solummodo vel Pressus propagatus, moventur in lineis rectis; radiusque, cum semel, cujusvis rei oppositu, de via deflectatur, nunquam iterum, nisi forte casu aliquo, in eandem lineam rectam reverti poterit: Attamen Lumen per corpora pellucida in lineis rectis ad longa usqe intervalla transinittitur. Qui fieri queat, ut corpora satis habeant meatuum ad hos effectus obtinendos, difficile quidem est conceptu; at nequaquam impossibile. Etenim, ut supra expositum est, Colores corporum oriuntur ex eo, quod particulae ipsorum certis sint magnitudinibus. Jam si particulas istas ita dispositas concipiamus, ut inter eas tantum intervallorum sive meatuum interjaceat, quantum sint ipsae particulae: ipsasque porro ita ex aliis multo minoribus particulis compositas esse, ut minores illae particulae habeant & ipsae interjectum sibi meatuum tantum, quantum sunt ipsae particulae; hasque ipsas similiter, ita ex aliis multo adhuc minoribus particulis compositas esse, ut illae adhuc minores particulae habeant & ipsae interjectum sibi meatuum tantum, quantum sunt ipsae particulae; & sic deinceps, donec ad solidas demum particulas deveniatur, quae nullos omnino habeant in se meatus: Sintque in aliquo Corpore tres, puta, hujusmodi particularum gradus; quorum ultimus sit earum, quae minimae sint & plane solidae: Utique id corpus septies tantum habebit meatuum, quam quantum partium solidarum. Quod si quatuor hujusmodi fuerint particularum gradus, quorum ultimus mus sit minimarum & plane solidarum; jam corpus decies equinquies tantum habebit meatuum, quam quantum partium solidarum. Si quinque fuerint particularum gradus; corpus tricies & semel tantum habebit meatuum, quam quantum partium solidarum. Si sex gradus; corpus sexagies & ter tantum hahebit meatuum, quam quantum partium solidarum: Et sic deinceps. Quin etiam aliae adhuc esse possunt in admiranda corporum fabricatione rationes, nobis prorsus ignotae; quibus effici queat, ut multo etiam adhuc plus meatuum in corporibus inesse possit.","prev":{"citation":"Optice ix","label":"ix","url":"https://interlinea.aeterna-institute.org/library/latin/newton/optice/ix","api":"https://interlinea.aeterna-institute.org/api/v1/library/latin/newton/optice/ix"},"next":{"citation":"Optice xii","label":"xii","url":"https://interlinea.aeterna-institute.org/library/latin/newton/optice/xii","api":"https://interlinea.aeterna-institute.org/api/v1/library/latin/newton/optice/xii"},"credit":{"text":"Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}