{"kind":"section","lang":"la","language":"Latin","title":"Commonitorium 1.143-188","citation":"Saint Orientius, Commonitorium 1.143-188","ref":"1.143","level":null,"urn":null,"url":"https://interlinea.aeterna-institute.org/library/latin/orientius-saint/commonitorium/1.143","api":"https://interlinea.aeterna-institute.org/api/v1/library/latin/orientius-saint/commonitorium/1.143","markdown":"https://interlinea.aeterna-institute.org/library/latin/orientius-saint/commonitorium/1.143.md","author":{"name":"Saint Orientius","url":"https://interlinea.aeterna-institute.org/library/latin/orientius-saint"},"work":{"title":"Commonitorium","url":"https://interlinea.aeterna-institute.org/library/latin/orientius-saint/commonitorium","urn":"urn:cts:latinLit:stoa0215b.stoa001"},"verse":true,"words":286,"text":"Et tibi nunc imo trahitur de gurgite piscis,\nAere nunc summo decipiuntur aues.\nAgmina uenanti procumbunt densa ferarum\nIcta procul iaculis uel laqueata plagis.\nProna petis ferro, canibus fugientia sistis,\nContundis frenis ora ferocis equi.\nAd iuga panda boues cogis, ad mulctra capellas:\nDestillant crispis dulcia mella fauis.\nDe saxis gemmas, aurum producis harenis,\nLentaque de terris igne metalla coquis:\nGramina discernis tristes medicantia morbos,\nPellis letiferum sedulus arte malum.\nQuin etiam ut mercem peregrino a litore sumas,\nEt tua des aliis atque aliena petas,\nFlumina remigio percurres, aequora uelo:\nIbis longinquas absque labore uias.\nAut si formidas pelagus, carpenta mouebis,\nSeque tuis sternet terra notanda rotis.\nTum si iactatum quaerit blanda otia corpus,\nVmida puluereum balnea suscipient;\nAtque cauo tota spoliatus ueste lauacro,\nMarcida perdomitis membra fouebis aquis.\nTot tantisque bonis domini tibi munere partis\nQuid tandem dignum reddis amore pio?\nAut quibus haec opibus, quibus et persoluere donis,\nVel quanto poteris pendere seruitio?\nNec tamen haec dominos, cuius sunt omnia, quaerit:\nSufficit ut dominum seruus amatus ames.\nHaec quoque mandati succedit forma secundi,\nProximus ut tibi sit sic, uelut ipse tibi es.\nNosco salutiferam mansuro munere legem,\nVno quae cunctis prospicit officio.\nNam cum aliena mihi mandatur cura, necesse est\nVt mea mandetur sic quoque cura alii.\nEcce pecus pecudem fecunda ad pabula ducit,\nAdmugit proprio bucula laeta gregi.\nMurmure respondent, qua possunt uoce loquuntur,\nInque uicem docilis lambere lingua solet.\nNec caret affectu quod fluctibus occulit aequor,\nEt uolucris uolucri est et fera blanda ferae.\nTum si quando uenit quocumque ex agmine praedo,\nFortior inualidos ungue uel ore premens,\nSeu uolucrum res est, siue est res illa ferarum,\nVndique collectis tenditur auxiliis,\nCaptiuam comitem cursu grege uoce uolatu,\nEtsi non possunt, eripuisse uolunt.","prev":{"citation":"Commonitorium 1.97-142","label":"Book 1, lines 1.97-1.142","url":"https://interlinea.aeterna-institute.org/library/latin/orientius-saint/commonitorium/1.97","api":"https://interlinea.aeterna-institute.org/api/v1/library/latin/orientius-saint/commonitorium/1.97"},"next":{"citation":"Commonitorium 1.189-230","label":"Book 1, lines 1.189-1.230","url":"https://interlinea.aeterna-institute.org/library/latin/orientius-saint/commonitorium/1.189","api":"https://interlinea.aeterna-institute.org/api/v1/library/latin/orientius-saint/commonitorium/1.189"},"credit":{"text":"Orientius, Saint, Commonitorium. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/ORIENT%7Ccomm%7C001","quality":"proofread"}}