{"kind":"section","lang":"la","language":"Latin","title":"Commonitorium 1.603-618","citation":"Saint Orientius, Commonitorium 1.603-618","ref":"1.603","level":null,"urn":null,"url":"https://interlinea.aeterna-institute.org/library/latin/orientius-saint/commonitorium/1.603","api":"https://interlinea.aeterna-institute.org/api/v1/library/latin/orientius-saint/commonitorium/1.603","markdown":"https://interlinea.aeterna-institute.org/library/latin/orientius-saint/commonitorium/1.603.md","author":{"name":"Saint Orientius","url":"https://interlinea.aeterna-institute.org/library/latin/orientius-saint"},"work":{"title":"Commonitorium","url":"https://interlinea.aeterna-institute.org/library/latin/orientius-saint/commonitorium","urn":"urn:cts:latinLit:stoa0215b.stoa001"},"verse":true,"words":95,"text":"Et cum flammiferis frigentia, mollia duris,\nSiccis cum pugnent umida, lenta citis,\nOmne per ignotas tacito moderamine causas\nVno consociat foedere pacis opus.\nSic, modo si paruis cupias componere magna,\nCorporeum frenat pacis amor populum,\nVt sub terreno sociatus principe discat\nRegi caelorum soluere uota simul.\nErgo mei similis peccator, me minor imo\n(Omnes criminibus namque ego uinco meis)\nPacem placatus, pacem quoque laesus amato:\nPax in uisceribus, pax sit in ore tuo.\nPelle odium, contemne minas, depone tumorem,\nOffensam teneant tempora nulla tuam,\nVt te sol blandae seruantem uincula pacis\nDeserat abscedens, inueniat rediens.","prev":{"citation":"Commonitorium 1.561-602","label":"Book 1, lines 1.561-1.602","url":"https://interlinea.aeterna-institute.org/library/latin/orientius-saint/commonitorium/1.561","api":"https://interlinea.aeterna-institute.org/api/v1/library/latin/orientius-saint/commonitorium/1.561"},"next":{"citation":"Commonitorium 2.1-46","label":"Book 2, lines 2.1-2.46","url":"https://interlinea.aeterna-institute.org/library/latin/orientius-saint/commonitorium/2.1","api":"https://interlinea.aeterna-institute.org/api/v1/library/latin/orientius-saint/commonitorium/2.1"},"credit":{"text":"Orientius, Saint, Commonitorium. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/ORIENT%7Ccomm%7C001","quality":"proofread"}}