{"kind":"section","lang":"la","language":"Latin","title":"Protomathesis 577","citation":"Oronce Finé, Protomathesis 577","ref":"577","level":null,"urn":null,"url":"https://interlinea.aeterna-institute.org/library/latin/oronce-fine/protomathesis/577","api":"https://interlinea.aeterna-institute.org/api/v1/library/latin/oronce-fine/protomathesis/577","markdown":"https://interlinea.aeterna-institute.org/library/latin/oronce-fine/protomathesis/577.md","author":{"name":"Oronce Finé","url":"https://interlinea.aeterna-institute.org/library/latin/oronce-fine"},"work":{"title":"Protomathesis","url":"https://interlinea.aeterna-institute.org/library/latin/oronce-fine/protomathesis","urn":null},"verse":false,"words":264,"text":"PROPOSITIO XII. Quantitatem inaequalis horae tam diei quàm noctis artificialis reperire: horas quoque inaequa les ad aequales conuertere, & è diuerso: item à meridie aut media nocte supputatas, in horas ab ortu uel occasu exordientes, & in 24 (italico more) productas transmutare. E IIS OMNIBVS, QVAE HAC EXPRIMVNTVR propositione, peculiarem rursum tradere descriptionem: non modò ua num, sed etiam inutile iudicamus. Vtpote, quae tertio capite libri quarti Cosmographiae nostrae, potissimum in commentario, ab F scilicet nota ad finem usque iam dicti capitis, sigillatim edocuimus, proprijsque dilucidauimus exemplis. Ad ipsum ergo caput confugias operaeprecium est: si omnimodam supradictarum horarum exoptes intelligere conuersionem. PROPOSITIO. XIII. Maximarum dierum atque noctium artificialium diuersitatem, pro diuersa locorum latitudine: ex supradictis colligere. IVX DECIMA PROPOSITIONE, HABES ARCVM DIEI atque noctis artificialis ad datum quemuis Horizontem: Sole initium Can Ecri possidente, ubi dies contingit maxima. Hinc facile est, inter oblatas quascunque regionum latitudines, maximarum tam dierum quàm noctium ar tificialium cognoscere diuersitatem. Perspicuum est itaque, Sole initium Cancri possidente, in latitudine complemento maximae solaris obliquationis diem accide re continuum, sinè aliqua noctis obscuritate. Pro reliquis uerò locis, super quo rum Horizontem polus supra complementum maximae declinationis solaris ex tollitur: ita facito. Supputato in ipso indice, à centro quadrantis uersus limbum, oblatam poli sublimitatem: finemque diligenter obsignato. Demum traducito in dicem, quousque notatus latitudinis terminus incidat in Eclipticam: distinguet enim determinatum arcum eiusdem Eclipticae uersus aestiuale solstitium, quem dum Sol occupauerit, lux super Horizontem absque nocte continuabitur. Potes itaque singulis locis, ab eadem latitudine, complemento maximae declinationis Solis aequali, ad polum usque (ubi maxima contingit diuersitas) intercaeptis, accidentia continuatae lucis, aut tenebrarum excerpere discrimina.","prev":{"citation":"Protomathesis 576-2","label":"PROPOSITIO","url":"https://interlinea.aeterna-institute.org/library/latin/oronce-fine/protomathesis/576-2","api":"https://interlinea.aeterna-institute.org/api/v1/library/latin/oronce-fine/protomathesis/576-2"},"next":{"citation":"Protomathesis 577-2","label":"PROPOSITIO","url":"https://interlinea.aeterna-institute.org/library/latin/oronce-fine/protomathesis/577-2","api":"https://interlinea.aeterna-institute.org/api/v1/library/latin/oronce-fine/protomathesis/577-2"},"credit":{"text":"Oronce Finé, Protomathesis. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}