{"kind":"section","lang":"la","language":"Latin","title":"Veianius 1.43-85","citation":"Pascoli, Veianius 1.43-85","ref":"1.43","level":null,"urn":null,"url":"https://interlinea.aeterna-institute.org/library/latin/pascoli/veianius/1.43","api":"https://interlinea.aeterna-institute.org/api/v1/library/latin/pascoli/veianius/1.43","markdown":"https://interlinea.aeterna-institute.org/library/latin/pascoli/veianius/1.43.md","author":{"name":"Pascoli","url":"https://interlinea.aeterna-institute.org/library/latin/pascoli"},"work":{"title":"Veianius","url":"https://interlinea.aeterna-institute.org/library/latin/pascoli/veianius","urn":null},"verse":true,"words":278,"text":"Hic fremit innumeris foliorum populus umbris,\nhic longo invitat somnos Digentia cantu,\nhic clymeni flores carpens apis aera bombo\npersonat...\" At fesso obrepit tum somnus; inertis\npaulatim venas et lumina coniventis\noccupat. In somnis ecce immensum ferit aures\nmurmur, quale premens foliis folia edere ventus,\nquale solet noctu multarum lapsus aquarum,\naut qualem efficiunt examina densa canorem.\nPanditur interea vasto circum orbe theatrum\net cunei ante oculos tunicata plebe frequentes,\natque alii scandunt fremitu scalaria mixto.\nAdsurgunt: podium ingrederis tu, maxime Caesar.\nPurpureae fulgent lento vestes incessu,\natque atros flammante sinus toga sanguine mutat.\n'I'um tuba signa canit: tardis Veianius errat\nluminibus circurnspiciens et milia cernit multa in se demens oculorum fixa crepantesque\nattonitus media palmas exaudit arena.\nIpse manu crispat nudus gladium, ipse Syro par\ncommissus: grandis spes omnibus una duelli est.\n\"Quid\"? secum meditatur \"an Orcus reddere discit\nexstinctas animas? nonne istum iam meus ensis\nabstulit? at coram cerno, quin torva tuentem!\nQuis fuit antiqua me iterum qui inclusit arena,\ndesuetumque Syri gladio qui tradit et irae?\nContinuo ferris cur nos pugnemus acutis?\nAn populum exorem? an senior diludia poscam?\nPugnandum est\". Animos sic fatus colligit ultro:\nnequiquam; horror enim laxatos concutit artus,\npoplitibus tremit infractis et bracchia pendent.\nRaucisonis propter Digentia labitur undis.\nIam Syrus aversis manibus tectisque minatur:\nipse cavet tantum, veteris non immemor artis;\nverum oculos gladii perstringit fulgor, et aures\ntintinnant. Rectis etiam Syrus ictibus urget,\npondere nunc impellit, acumine nunc petit, ictus\net simulat variatque, et nutu fallit hiantem.\nDebilis en factus nec propulsare valet iam\nmucronem, et subito dum alio Syrus avocat arma,\nsuccidit extrema frendens resupinus arena.\nConclamant omnes. -- Vicinae forte cupresso\nturba loquax avium densis insederat alis.","prev":{"citation":"Veianius 1.1-42","label":"Lines 1.1-1.42","url":"https://interlinea.aeterna-institute.org/library/latin/pascoli/veianius/1.1","api":"https://interlinea.aeterna-institute.org/api/v1/library/latin/pascoli/veianius/1.1"},"next":{"citation":"Veianius 1.86-100","label":"Lines 1.86-1.100","url":"https://interlinea.aeterna-institute.org/library/latin/pascoli/veianius/1.86","api":"https://interlinea.aeterna-institute.org/api/v1/library/latin/pascoli/veianius/1.86"},"credit":{"text":"Pascoli, Veianius. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.","license":"Used with permission","licenseUrl":"https://www.thelatinlibrary.com/about.html","source":"https://www.thelatinlibrary.com/pascoli.veianius.html","quality":"proofread"}}