{"kind":"section","lang":"la","language":"Latin","title":"Carmina 265","citation":"Pentadius, Carmina 265","ref":"265","level":null,"urn":null,"url":"https://interlinea.aeterna-institute.org/library/latin/pentadius/carmina/265","api":"https://interlinea.aeterna-institute.org/api/v1/library/latin/pentadius/carmina/265","markdown":"https://interlinea.aeterna-institute.org/library/latin/pentadius/carmina/265.md","author":{"name":"Pentadius","url":"https://interlinea.aeterna-institute.org/library/latin/pentadius"},"work":{"title":"Carmina","url":"https://interlinea.aeterna-institute.org/library/latin/pentadius/carmina","urn":null},"verse":true,"words":74,"text":"Cui pater amnis erat, fontes puer ille colebat\nLaudabatque undas, cui pater amnis erat.\nSe puer ipse uidet, patrem dum quaerit in amne,\nPerspicuoque lacu se puer ipse uidet.\nQuod Dryas igne calet, puer hunc irridet amorem\nNec putat esse decus, quod Dryas igne calet.\nStat stupet haeret amat rogat innuit aspicit ardet\nBlanditur queritur stat stupet haeret amat.\nQuodque amat, ipse facit uultu prece lumine fletu;\nOscula dat fonti, quodque amat ipse facit.","prev":{"citation":"Carmina 235","label":"Poem 235","url":"https://interlinea.aeterna-institute.org/library/latin/pentadius/carmina/235","api":"https://interlinea.aeterna-institute.org/api/v1/library/latin/pentadius/carmina/235"},"next":{"citation":"Carmina 266","label":"Poem 266","url":"https://interlinea.aeterna-institute.org/library/latin/pentadius/carmina/266","api":"https://interlinea.aeterna-institute.org/api/v1/library/latin/pentadius/carmina/266"},"credit":{"text":"Pentadius, Carmina. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/PENTAD%7Canth%7C234","quality":"proofread"}}