{"kind":"section","lang":"la","language":"Latin","title":"Satires pr","citation":"Persius, Satires pr","ref":"pr","level":null,"urn":"urn:cts:latinLit:phi0969.phi001.perseus-lat2:pr","url":"https://interlinea.aeterna-institute.org/library/latin/persius/satires/pr","api":"https://interlinea.aeterna-institute.org/api/v1/library/latin/persius/satires/pr","markdown":"https://interlinea.aeterna-institute.org/library/latin/persius/satires/pr.md","author":{"name":"Persius","url":"https://interlinea.aeterna-institute.org/library/latin/persius"},"work":{"title":"Satires","url":"https://interlinea.aeterna-institute.org/library/latin/persius/satires","urn":"urn:cts:latinLit:phi0969.phi001"},"verse":true,"words":68,"text":"Nec fonte labra prolui caballino\nnec in bicipiti somniasse Parnaso\nmemini, ut repente sic poeta prodirem.\nHeliconidasque pallidamque Pirenen\nillis remitto, quorum imagines lambunt\nhederae sequaces: ipse semipaganus\nad sacra vatum carmen adfero nostrum.\nquis expedivit psittaco suum chaere,\npicamque docuit verba nostra conari?\nmagister artis ingenique largitor\nventer, negatas artifex sequi voces;\nquod si dolosi spes refulserit nummi,\ncorvos poetas et poetridas picas\ncantare credas Pegaseium nectar.","prev":null,"next":{"citation":"Satires 1.1-43","label":"Lines 1.1-1.43","url":"https://interlinea.aeterna-institute.org/library/latin/persius/satires/1.1","api":"https://interlinea.aeterna-institute.org/api/v1/library/latin/persius/satires/1.1"},"credit":{"text":"Persius, Satires, ed. G. G. Ramsay. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0969/phi001/phi0969.phi001.perseus-lat2.xml","quality":"proofread"}}