{"kind":"section","lang":"la","language":"Latin","title":"Appendix Perottina 11","citation":"Phaedrus, Appendix Perottina 11","ref":"11","level":null,"urn":null,"url":"https://interlinea.aeterna-institute.org/library/latin/phaedrus/appendix-perottina/11","api":"https://interlinea.aeterna-institute.org/api/v1/library/latin/phaedrus/appendix-perottina/11","markdown":"https://interlinea.aeterna-institute.org/library/latin/phaedrus/appendix-perottina/11.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Appendix Perottina","url":"https://interlinea.aeterna-institute.org/library/latin/phaedrus/appendix-perottina","urn":null},"verse":true,"words":83,"text":"Cum castitatem Iuno laudaret suam,\nIocunditatis causa non renuit Venus,\nNullamque ut affirmaret esse illi parem\nInterrogasse sic gallinam dicitur:\n\"Dic, sodes, quanto possis satiari cibo?\"\nRespondit illa \"Quidquid dederis, satis erit,\nSic ut concedas pedibus aliquid scalpere.\"\n\"Ne scalpas\" inquit \"satis est modius tritici?\"\n\"Plane, immo nimium est, sed permitte scalpere.\"\n\"Ex toto ne quid scalpas, quid desideras?\"\nTum denique illa fassa est naturae malum:\n\"Licet horreum mi pateat, ego scalpam tamen.\"\nRisisse Iuno dicitur Veneris iocos,\nQuia per gallinam denotauit feminas.","prev":{"citation":"Appendix Perottina 10","label":"Poem 10","url":"https://interlinea.aeterna-institute.org/library/latin/phaedrus/appendix-perottina/10","api":"https://interlinea.aeterna-institute.org/api/v1/library/latin/phaedrus/appendix-perottina/10"},"next":{"citation":"Appendix Perottina 12","label":"Poem 12","url":"https://interlinea.aeterna-institute.org/library/latin/phaedrus/appendix-perottina/12","api":"https://interlinea.aeterna-institute.org/api/v1/library/latin/phaedrus/appendix-perottina/12"},"credit":{"text":"Phaedrus, Appendix Perottina. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/PHAEDR%7Cappe%7C001","quality":"proofread"}}