{"kind":"section","lang":"la","language":"Latin","title":"Appendix Perottina 12","citation":"Phaedrus, Appendix Perottina 12","ref":"12","level":null,"urn":null,"url":"https://interlinea.aeterna-institute.org/library/latin/phaedrus/appendix-perottina/12","api":"https://interlinea.aeterna-institute.org/api/v1/library/latin/phaedrus/appendix-perottina/12","markdown":"https://interlinea.aeterna-institute.org/library/latin/phaedrus/appendix-perottina/12.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Appendix Perottina","url":"https://interlinea.aeterna-institute.org/library/latin/phaedrus/appendix-perottina","urn":null},"verse":true,"words":82,"text":"Paterfamilias saeuum habebat filium.\nHic, e conspectu cum patris recesserat,\nVerberibus seruos afficiebat plurimis\nEt exercebat feruidam adulescentiam.\nAesopus ergo narrat hoc breuiter seni:\n\"Quidam iuuenco uetulum adiungebat bouem.\nIs cum refugiens impari collo iugum\nAetatis excusaret uires languidas,\nNon est quod timeas, inquit illi rusticus;\nNon ut labores facio, sed ut istum domes,\nQui calce et cornu multos reddit debiles.\nEt tu nisi istum tecum assidue retines,\nFeroxque ingenium comprimis clementia,\nVide ne querela maior accrescat domus.\"\n[Atrocitati mansuetudo est remedium.]","prev":{"citation":"Appendix Perottina 11","label":"Poem 11","url":"https://interlinea.aeterna-institute.org/library/latin/phaedrus/appendix-perottina/11","api":"https://interlinea.aeterna-institute.org/api/v1/library/latin/phaedrus/appendix-perottina/11"},"next":{"citation":"Appendix Perottina 13","label":"Poem 13","url":"https://interlinea.aeterna-institute.org/library/latin/phaedrus/appendix-perottina/13","api":"https://interlinea.aeterna-institute.org/api/v1/library/latin/phaedrus/appendix-perottina/13"},"credit":{"text":"Phaedrus, Appendix Perottina. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/PHAEDR%7Cappe%7C001","quality":"proofread"}}