{"kind":"section","lang":"la","language":"Latin","title":"Appendix Perottina 17","citation":"Phaedrus, Appendix Perottina 17","ref":"17","level":null,"urn":null,"url":"https://interlinea.aeterna-institute.org/library/latin/phaedrus/appendix-perottina/17","api":"https://interlinea.aeterna-institute.org/api/v1/library/latin/phaedrus/appendix-perottina/17","markdown":"https://interlinea.aeterna-institute.org/library/latin/phaedrus/appendix-perottina/17.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Appendix Perottina","url":"https://interlinea.aeterna-institute.org/library/latin/phaedrus/appendix-perottina","urn":null},"verse":true,"words":94,"text":"Aesopus turpi cum seruiret feminae,\nQuae se expingendo totum tricaret diem,\nVestem uniones aurum argentum sumeret,\nNec inueniret digito qui se tangeret,\n\"Licetne paucis?\" inquit. \"Dicas.\" \"Censeo,\nQuiduis efficies, cultum si deposueris.\"\n\"Adeone per me uideor tibi meliuscula?\"\n\"Immo, ni dederis, sponda cessabit tua.\"\n\"At non cessabunt latera\" respondit \"tua\";\nEt obiurgari iussit ferulis garrulum.\nPost paulo armillam tollit fur argenteam.\nEam non apparere ut dictum est mulieri,\nOmnes furore plena uocat, et uerbera\nProponit grauia, uerum si non dixerint.\n\"Aliis minare; me\" inquit \"non falles, era;\nFlagris sum caesus, uerum quia dixi modo.\"","prev":{"citation":"Appendix Perottina 16","label":"Poem 16","url":"https://interlinea.aeterna-institute.org/library/latin/phaedrus/appendix-perottina/16","api":"https://interlinea.aeterna-institute.org/api/v1/library/latin/phaedrus/appendix-perottina/16"},"next":{"citation":"Appendix Perottina 18","label":"Poem 18","url":"https://interlinea.aeterna-institute.org/library/latin/phaedrus/appendix-perottina/18","api":"https://interlinea.aeterna-institute.org/api/v1/library/latin/phaedrus/appendix-perottina/18"},"credit":{"text":"Phaedrus, Appendix Perottina. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/PHAEDR%7Cappe%7C001","quality":"proofread"}}