{"kind":"section","lang":"la","language":"Latin","title":"Appendix Perottina 20","citation":"Phaedrus, Appendix Perottina 20","ref":"20","level":null,"urn":null,"url":"https://interlinea.aeterna-institute.org/library/latin/phaedrus/appendix-perottina/20","api":"https://interlinea.aeterna-institute.org/api/v1/library/latin/phaedrus/appendix-perottina/20","markdown":"https://interlinea.aeterna-institute.org/library/latin/phaedrus/appendix-perottina/20.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Appendix Perottina","url":"https://interlinea.aeterna-institute.org/library/latin/phaedrus/appendix-perottina","urn":null},"verse":true,"words":115,"text":"Seruus profugiens dominum naturae asperae\nAesopo occurrit, notus e uicinia.\n\"Quid tu confusus?\" \"Dicam tibi clare, pater,\nHoc namque es dignus appellari nomine,\nTuto querela quia apud te deponitur.\nPlagae supersunt, desunt mihi cibaria.\nSubinde ad uillam mittor sine uiatico.\nDomi si cenat, totis persto noctibus;\nSiue est uocatus, iaceo ad lucem in semita.\nEmerui libertatem, canus seruio.\nVllius essem culpae mihi si conscius,\nAequo animo ferrem. numquam sum factus satur,\nEt super infelix saeuum patior dominium.\nHas propter causas et quas longum est promere\nAbire destinaui quo tulerint pedes.\"\n\"Ergo\" inquit \"audi: cum mali nil feceris,\nHaec experiris, ut refers, incommoda;\nQuid si peccaris? quae te passurum putas?\"\nTali consilio est a fuga deterritus.","prev":{"citation":"Appendix Perottina 19","label":"Poem 19","url":"https://interlinea.aeterna-institute.org/library/latin/phaedrus/appendix-perottina/19","api":"https://interlinea.aeterna-institute.org/api/v1/library/latin/phaedrus/appendix-perottina/19"},"next":{"citation":"Appendix Perottina 21","label":"Poem 21","url":"https://interlinea.aeterna-institute.org/library/latin/phaedrus/appendix-perottina/21","api":"https://interlinea.aeterna-institute.org/api/v1/library/latin/phaedrus/appendix-perottina/21"},"credit":{"text":"Phaedrus, Appendix Perottina. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/PHAEDR%7Cappe%7C001","quality":"proofread"}}