{"kind":"section","lang":"la","language":"Latin","title":"Appendix Perottina 23","citation":"Phaedrus, Appendix Perottina 23","ref":"23","level":null,"urn":null,"url":"https://interlinea.aeterna-institute.org/library/latin/phaedrus/appendix-perottina/23","api":"https://interlinea.aeterna-institute.org/api/v1/library/latin/phaedrus/appendix-perottina/23","markdown":"https://interlinea.aeterna-institute.org/library/latin/phaedrus/appendix-perottina/23.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Appendix Perottina","url":"https://interlinea.aeterna-institute.org/library/latin/phaedrus/appendix-perottina","urn":null},"verse":true,"words":67,"text":"Quidam per agros deuium carpens iter\n\"Aue\" exaudiuit, et moratus paululum,\nAdesse ut uidit nullum, corripuit gradum.\nIterum salutat idem ex occulto sonus.\nVoce hospitali confirmatus restitit,\nVt, quisquis esset, par officium reciperet.\nCum circumspectans errore haesisset diu\nEt perdidisset tempus aliquot milium,\nOstendit sese coruus et superuolans\n\"Aue\" usque ingessit. tum se lusum intelligens\n\"At male tibi sit\" inquit, \"ales pessime,\nQui festinantis sic detinuisti pedes.\"","prev":{"citation":"Appendix Perottina 22","label":"Poem 22","url":"https://interlinea.aeterna-institute.org/library/latin/phaedrus/appendix-perottina/22","api":"https://interlinea.aeterna-institute.org/api/v1/library/latin/phaedrus/appendix-perottina/22"},"next":{"citation":"Appendix Perottina 24","label":"Poem 24","url":"https://interlinea.aeterna-institute.org/library/latin/phaedrus/appendix-perottina/24","api":"https://interlinea.aeterna-institute.org/api/v1/library/latin/phaedrus/appendix-perottina/24"},"credit":{"text":"Phaedrus, Appendix Perottina. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/PHAEDR%7Cappe%7C001","quality":"proofread"}}