{"kind":"section","lang":"la","language":"Latin","title":"Appendix Perottina 28","citation":"Phaedrus, Appendix Perottina 28","ref":"28","level":null,"urn":null,"url":"https://interlinea.aeterna-institute.org/library/latin/phaedrus/appendix-perottina/28","api":"https://interlinea.aeterna-institute.org/api/v1/library/latin/phaedrus/appendix-perottina/28","markdown":"https://interlinea.aeterna-institute.org/library/latin/phaedrus/appendix-perottina/28.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Appendix Perottina","url":"https://interlinea.aeterna-institute.org/library/latin/phaedrus/appendix-perottina","urn":null},"verse":true,"words":90,"text":"Cum uenatorem celeri pede fugeret lepus\nEt a bubulco uisus ueprem irreperet:\n\"Per te oro superos perque spes omnes tuas\nNe me indices, bubulce; nihil umquam mali\nHui agro feci.\" et rusticus: \"Ne timueris;\nLate securus.\" iamque uenator sequens:\n\"Quaeso, bubulce, numquid huc uenit lepus?\"\n\"Venit, sed abiit, hac ad laeuam,\" et dexteram\nDemonstrat nutu partem. Venator citus\nNon intellexit seque e conspectu abstulit.\nTunc sic bubulcus: \"Ecquid est gratum tibi,\nQuod te celaui?\" \"Linguae prorsus non nego\nHabere atque agere maximas me gratias;\nVerum oculis ut priueris opto perfidis.\"","prev":{"citation":"Appendix Perottina 27","label":"Poem 27","url":"https://interlinea.aeterna-institute.org/library/latin/phaedrus/appendix-perottina/27","api":"https://interlinea.aeterna-institute.org/api/v1/library/latin/phaedrus/appendix-perottina/27"},"next":{"citation":"Appendix Perottina 29","label":"Poem 29","url":"https://interlinea.aeterna-institute.org/library/latin/phaedrus/appendix-perottina/29","api":"https://interlinea.aeterna-institute.org/api/v1/library/latin/phaedrus/appendix-perottina/29"},"credit":{"text":"Phaedrus, Appendix Perottina. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/PHAEDR%7Cappe%7C001","quality":"proofread"}}