{"kind":"section","lang":"la","language":"Latin","title":"Appendix Perottina 3","citation":"Phaedrus, Appendix Perottina 3","ref":"3","level":null,"urn":null,"url":"https://interlinea.aeterna-institute.org/library/latin/phaedrus/appendix-perottina/3","api":"https://interlinea.aeterna-institute.org/api/v1/library/latin/phaedrus/appendix-perottina/3","markdown":"https://interlinea.aeterna-institute.org/library/latin/phaedrus/appendix-perottina/3.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Appendix Perottina","url":"https://interlinea.aeterna-institute.org/library/latin/phaedrus/appendix-perottina","urn":null},"verse":true,"words":74,"text":"Arbitrio si natura finxisset meo\nGenus mortale, longe foret instructius.\nNam cuncta nobis attribuisset commoda\nQuae cui Fortuna indulgens animali dedit,\nElephanti uires et leonis impetum,\nCornicis aeuum, gloriam tauri trucis,\nEqui uelocis placidam mansuetudinem;\nEt adesset homini sua tamen sollertia.\nNimirum in caelo secum ridet Iuppiter,\nHaec qui negauit magno consilio hominibus,\nNe sceptrum mundi raperet nostra audacia.\nErgo contenti munere inuicti Iouis\nFatalis annos decurramus temporis,\nNec plus conemur quam sinit mortalitas.","prev":{"citation":"Appendix Perottina 2","label":"Poem 2","url":"https://interlinea.aeterna-institute.org/library/latin/phaedrus/appendix-perottina/2","api":"https://interlinea.aeterna-institute.org/api/v1/library/latin/phaedrus/appendix-perottina/2"},"next":{"citation":"Appendix Perottina 4","label":"Poem 4","url":"https://interlinea.aeterna-institute.org/library/latin/phaedrus/appendix-perottina/4","api":"https://interlinea.aeterna-institute.org/api/v1/library/latin/phaedrus/appendix-perottina/4"},"credit":{"text":"Phaedrus, Appendix Perottina. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/PHAEDR%7Cappe%7C001","quality":"proofread"}}