{"kind":"section","lang":"la","language":"Latin","title":"Appendix Perottina 30","citation":"Phaedrus, Appendix Perottina 30","ref":"30","level":null,"urn":null,"url":"https://interlinea.aeterna-institute.org/library/latin/phaedrus/appendix-perottina/30","api":"https://interlinea.aeterna-institute.org/api/v1/library/latin/phaedrus/appendix-perottina/30","markdown":"https://interlinea.aeterna-institute.org/library/latin/phaedrus/appendix-perottina/30.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Appendix Perottina","url":"https://interlinea.aeterna-institute.org/library/latin/phaedrus/appendix-perottina","urn":null},"verse":true,"words":69,"text":"Canes effugere cum iam non possit fiber\n(Graeci loquaces quem dixerunt castorem\nEt indiderunt bestiae nomen dei,\nIlli qui iactant se uerborum copia),\nAbripere morsu fertur testiculos sibi,\nQuia propter illos sentiat sese peti.\nDiuina quod ratione fieri non negem;\nVenator namque simul inuenit remedium,\nOmittit ipsum persequi et reuocat canes.\nHoc si praestare possent homines, ut suo\nVellent carere, tuti posthac uiuerent;\nHaud quisquam insidias nudo faceret corpori.","prev":{"citation":"Appendix Perottina 29","label":"Poem 29","url":"https://interlinea.aeterna-institute.org/library/latin/phaedrus/appendix-perottina/29","api":"https://interlinea.aeterna-institute.org/api/v1/library/latin/phaedrus/appendix-perottina/29"},"next":{"citation":"Appendix Perottina 31","label":"Poem 31","url":"https://interlinea.aeterna-institute.org/library/latin/phaedrus/appendix-perottina/31","api":"https://interlinea.aeterna-institute.org/api/v1/library/latin/phaedrus/appendix-perottina/31"},"credit":{"text":"Phaedrus, Appendix Perottina. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/PHAEDR%7Cappe%7C001","quality":"proofread"}}