{"kind":"section","lang":"la","language":"Latin","title":"Appendix Perottina 32","citation":"Phaedrus, Appendix Perottina 32","ref":"32","level":null,"urn":null,"url":"https://interlinea.aeterna-institute.org/library/latin/phaedrus/appendix-perottina/32","api":"https://interlinea.aeterna-institute.org/api/v1/library/latin/phaedrus/appendix-perottina/32","markdown":"https://interlinea.aeterna-institute.org/library/latin/phaedrus/appendix-perottina/32.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Appendix Perottina","url":"https://interlinea.aeterna-institute.org/library/latin/phaedrus/appendix-perottina","urn":null},"verse":true,"words":75,"text":"Auis quam dicunt terraneolam rustici,\nIn terra nidum quia componit scilicet,\nForte occucurrit improbae uulpeculae,\nQua uisa pennis altius se sustulit.\n\"Salue,\" inquit illa, \"cur me fugisti obsecro?\nQuasi non abunde sit mihi in prato cibus,\nGrilli, scarabaei, locustarum copia;\nNihil est quod metuas, ego te multum diligo\nPropter quietos mores et uitam probam.\"\nRespondit cantrix \"Tu quidem bene praedicas,\nIn campo non par, <par> sum sublimis tibi.\nQuin sequere; tibi salutem hic committo meam.\"","prev":{"citation":"Appendix Perottina 31","label":"Poem 31","url":"https://interlinea.aeterna-institute.org/library/latin/phaedrus/appendix-perottina/31","api":"https://interlinea.aeterna-institute.org/api/v1/library/latin/phaedrus/appendix-perottina/31"},"next":null,"credit":{"text":"Phaedrus, Appendix Perottina. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/PHAEDR%7Cappe%7C001","quality":"proofread"}}