{"kind":"section","lang":"la","language":"Latin","title":"Appendix Perottina 7","citation":"Phaedrus, Appendix Perottina 7","ref":"7","level":null,"urn":null,"url":"https://interlinea.aeterna-institute.org/library/latin/phaedrus/appendix-perottina/7","api":"https://interlinea.aeterna-institute.org/api/v1/library/latin/phaedrus/appendix-perottina/7","markdown":"https://interlinea.aeterna-institute.org/library/latin/phaedrus/appendix-perottina/7.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Appendix Perottina","url":"https://interlinea.aeterna-institute.org/library/latin/phaedrus/appendix-perottina","urn":null},"verse":true,"words":93,"text":"Ixion quod uersari narratur rota,\nVolubilem Fortunam iactari docet.\nAduersus altos Sisyphus montes agens\nSaxum labore summo, quod de uertice\nSudore semper irrito reuoluitur,\nOstendit hominum sine fine <esse> miserias.\nQuod stans in amne Tantalus medio sitit,\nAuari describuntur, quos circumfluit\nVsus bonorum, sed nil possunt tangere.\nVrnis scelestae Danaides portant aquas,\nPertusa nec complere possunt dolia;\nImmo luxuriae quicquid dederis perfluet.\nNouem porrectus Tityos est per iugera,\nTristi renatum suggerens poenae iecur;\nQuo quis maiorem possidet terrae locum,\nHoc demonstratur cura grauiore adfici.\nConsulto inuoluit ueritatem antiquitas\nVt sapiens intellegeret, erraret rudis.","prev":{"citation":"Appendix Perottina 6","label":"Poem 6","url":"https://interlinea.aeterna-institute.org/library/latin/phaedrus/appendix-perottina/6","api":"https://interlinea.aeterna-institute.org/api/v1/library/latin/phaedrus/appendix-perottina/6"},"next":{"citation":"Appendix Perottina 8","label":"Poem 8","url":"https://interlinea.aeterna-institute.org/library/latin/phaedrus/appendix-perottina/8","api":"https://interlinea.aeterna-institute.org/api/v1/library/latin/phaedrus/appendix-perottina/8"},"credit":{"text":"Phaedrus, Appendix Perottina. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/PHAEDR%7Cappe%7C001","quality":"proofread"}}