{"kind":"section","lang":"la","language":"Latin","title":"Appendix Perottina 9","citation":"Phaedrus, Appendix Perottina 9","ref":"9","level":null,"urn":null,"url":"https://interlinea.aeterna-institute.org/library/latin/phaedrus/appendix-perottina/9","api":"https://interlinea.aeterna-institute.org/api/v1/library/latin/phaedrus/appendix-perottina/9","markdown":"https://interlinea.aeterna-institute.org/library/latin/phaedrus/appendix-perottina/9.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Appendix Perottina","url":"https://interlinea.aeterna-institute.org/library/latin/phaedrus/appendix-perottina","urn":null},"verse":true,"words":47,"text":"Aesopo quidam scripta recitarat mala,\nIn quis inepte multum se iactauerat.\nScire ergo cupiens quidnam sentiret senex,\n\"Numquid tibi\" inquit \"uisus sum superbior?\nHaud uana nobis ingeni fiducia est.\"\nConfectus ille pessimo uolumine,\n\"Ego\" inquit \"quod te laudas uehementer probo;\nNamque hoc ab alio numquam continget tibi.\"","prev":{"citation":"Appendix Perottina 8","label":"Poem 8","url":"https://interlinea.aeterna-institute.org/library/latin/phaedrus/appendix-perottina/8","api":"https://interlinea.aeterna-institute.org/api/v1/library/latin/phaedrus/appendix-perottina/8"},"next":{"citation":"Appendix Perottina 10","label":"Poem 10","url":"https://interlinea.aeterna-institute.org/library/latin/phaedrus/appendix-perottina/10","api":"https://interlinea.aeterna-institute.org/api/v1/library/latin/phaedrus/appendix-perottina/10"},"credit":{"text":"Phaedrus, Appendix Perottina. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/PHAEDR%7Cappe%7C001","quality":"proofread"}}