{"kind":"section","lang":"la","language":"Latin","title":"Fables 10","citation":"Phaedrus, Fables 10","ref":"10","level":null,"urn":"urn:cts:latinLit:phi0975.phi001.perseus-lat2:10","url":"https://interlinea.aeterna-institute.org/library/latin/phaedrus/fables/10","api":"https://interlinea.aeterna-institute.org/api/v1/library/latin/phaedrus/fables/10","markdown":"https://interlinea.aeterna-institute.org/library/latin/phaedrus/fables/10.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Fables","url":"https://interlinea.aeterna-institute.org/library/latin/phaedrus/fables","urn":"urn:cts:latinLit:phi0975.phi001"},"verse":true,"words":82,"text":"Paterfamilias saevum habebat filium.\nHic e conspectu cum patris recesserat,\nVerberibus servos afficiebat plurimis\nEt exercebat fervidam adulescentiam.\nAesopus ergo narrat hoc breviter seni:\nQuidam iuvenco vetulum adiungebat bovem.\nIs cum refugiens impari collo iugum\nAetatis excusaret vires languidas:\nNon est quod timeas, inquit illi rusticus;\nNon ut labores dico, sed ut istum domes,\nQui calce et cornu multos reddit debiles.\nEt tu nisi istum tecum assidue detines\nFeroxque ingenium comprimis clementia,\nVide ne querela maior accrescat domus.\nAtrocitati mansuetudo est remedium.","prev":{"citation":"Fables 9","label":"Poem 9","url":"https://interlinea.aeterna-institute.org/library/latin/phaedrus/fables/9","api":"https://interlinea.aeterna-institute.org/api/v1/library/latin/phaedrus/fables/9"},"next":{"citation":"Fables 11","label":"Poem 11","url":"https://interlinea.aeterna-institute.org/library/latin/phaedrus/fables/11","api":"https://interlinea.aeterna-institute.org/api/v1/library/latin/phaedrus/fables/11"},"credit":{"text":"Phaedrus, Fables, ed. Lucian Mueller. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0975/phi001/phi0975.phi001.perseus-lat2.xml","quality":"proofread"}}