{"kind":"section","lang":"la","language":"Latin","title":"Fables 13","citation":"Phaedrus, Fables 13","ref":"13","level":null,"urn":"urn:cts:latinLit:phi0975.phi001.perseus-lat2:13","url":"https://interlinea.aeterna-institute.org/library/latin/phaedrus/fables/13","api":"https://interlinea.aeterna-institute.org/api/v1/library/latin/phaedrus/fables/13","markdown":"https://interlinea.aeterna-institute.org/library/latin/phaedrus/fables/13.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Fables","url":"https://interlinea.aeterna-institute.org/library/latin/phaedrus/fables","urn":"urn:cts:latinLit:phi0975.phi001"},"verse":true,"words":167,"text":"Per aliquot annos quaedam dilectum virum\nAmisit et sarcophago corpus condidit;\nA quo revelli nullo cum posset modo\nEt in sepulcro lugens vitam degeret,\nClaram assecuta est famam castae virginis.\nInterea fanum qui compilarant Iovis,\nCruci suffixi luerunt poenas numini.\nHorum reliquias ne quis posset tollere,\nCustodes dantur milites cadaverum\nMonumentum iuxta mulier quo se incluserat.\nAliquando sitiens unus de custodibus\nAquam rogavit media nocte ancillulam,\nQuae forte dominae tunc assistebat suae\nDormitum eunti; namque lucubraverat\nEt usque in serum vigilias perduxerat.\nPaulum reclusis foribus miles prospicit\nVidetque et aegram et facie pulchra feminam.\nCorruptus animus ilico succenditur\nEt uritur impudentis sensim cupiditas.\nSollers acumen mille causas invenit,\nPer quas videre possit illam saepius.\nCotidiana capta consuetudine\nPaulatim facta est advenae submissior;\nMox artior revinxit animum copula.\nHic dum consumit noctes custos diligens,\nDesideratum est corpus ex una cruce.\nTurbatus miles factum exponit mulieri.\nAt sancta mulier: Non est quod timeas, ait,\nVirique corpus tradit figendum cruci,\nNe subeat ille poenas neglegentiae.\nSic turpitudo laudis obsedit locum.","prev":{"citation":"Fables 12","label":"Poem 12","url":"https://interlinea.aeterna-institute.org/library/latin/phaedrus/fables/12","api":"https://interlinea.aeterna-institute.org/api/v1/library/latin/phaedrus/fables/12"},"next":{"citation":"Fables 14","label":"Poem 14","url":"https://interlinea.aeterna-institute.org/library/latin/phaedrus/fables/14","api":"https://interlinea.aeterna-institute.org/api/v1/library/latin/phaedrus/fables/14"},"credit":{"text":"Phaedrus, Fables, ed. Lucian Mueller. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0975/phi001/phi0975.phi001.perseus-lat2.xml","quality":"proofread"}}