{"kind":"section","lang":"la","language":"Latin","title":"Fables 2","citation":"Phaedrus, Fables 2","ref":"2","level":null,"urn":"urn:cts:latinLit:phi0975.phi001.perseus-lat2:2","url":"https://interlinea.aeterna-institute.org/library/latin/phaedrus/fables/2","api":"https://interlinea.aeterna-institute.org/api/v1/library/latin/phaedrus/fables/2","markdown":"https://interlinea.aeterna-institute.org/library/latin/phaedrus/fables/2.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Fables","url":"https://interlinea.aeterna-institute.org/library/latin/phaedrus/fables","urn":"urn:cts:latinLit:phi0975.phi001"},"verse":true,"words":73,"text":"Arbitrio si natura finxisset meo\nGenus mortale, longe foret instructius:\nNam cuncta nobis attribuisset commoda,\nQuaecumque indulgens Fortuna animali dedit:\nElephanti vires, et leonis impetum,\nCornicis aevum, gloriam tauri trucis,\nEqui velocis placidam mansuetudinem,\nEt adesset homini sua tamen sollertia.\nNimirum in caelo secum ridet Iuppiter,\nHaec qui negavit magno consilio homini,\nNe sceptrum mundi raperet nostra audacia.\nErgo contenti munere invicti Iovis\nFatalis annos decurramus temporis,\nNec plus conemur quam sinit mortalitas.","prev":{"citation":"Fables 1","label":"Poem 1","url":"https://interlinea.aeterna-institute.org/library/latin/phaedrus/fables/1","api":"https://interlinea.aeterna-institute.org/api/v1/library/latin/phaedrus/fables/1"},"next":{"citation":"Fables 3","label":"Poem 3","url":"https://interlinea.aeterna-institute.org/library/latin/phaedrus/fables/3","api":"https://interlinea.aeterna-institute.org/api/v1/library/latin/phaedrus/fables/3"},"credit":{"text":"Phaedrus, Fables, ed. Lucian Mueller. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0975/phi001/phi0975.phi001.perseus-lat2.xml","quality":"proofread"}}