{"kind":"section","lang":"la","language":"Latin","title":"Fables 2.prologus","citation":"Phaedrus, Fables 2.prologus","ref":"2.prologus","level":null,"urn":"urn:cts:latinLit:phi0975.phi001.perseus-lat2:2.prologus","url":"https://interlinea.aeterna-institute.org/library/latin/phaedrus/fables/2.prologus","api":"https://interlinea.aeterna-institute.org/api/v1/library/latin/phaedrus/fables/2.prologus","markdown":"https://interlinea.aeterna-institute.org/library/latin/phaedrus/fables/2.prologus.md","author":{"name":"Phaedrus","url":"https://interlinea.aeterna-institute.org/library/latin/phaedrus"},"work":{"title":"Fables","url":"https://interlinea.aeterna-institute.org/library/latin/phaedrus/fables","urn":"urn:cts:latinLit:phi0975.phi001"},"verse":true,"words":80,"text":"Exemplis continetur Aesopi genus;\nNec aliud quicquam per fabellas quaeritur\nQuam corrigatur error ut mortalium\nAcuatque sese diligens industria.\nQuicumque fuerit ergo narrandi iocus,\nDum capiat aurem et servet propositum suum,\nRe commendatur, non auctoris nomine.\nEquidem omni cura morem servabo senis;\nSed si libuerit aliquid interponere,\nDictorum sensus ut delectet varietas,\nBonas in partes, lector, accipias velim,\nIta si rependet illi brevitas gratiam.\nCuius verbosa ne sit commendatio,\nAttende, cur negare cupidis debeas,\nModestis etiam offerre quod non petierint.","prev":{"citation":"Fables 1.31","label":"Poem 1.31","url":"https://interlinea.aeterna-institute.org/library/latin/phaedrus/fables/1.31","api":"https://interlinea.aeterna-institute.org/api/v1/library/latin/phaedrus/fables/1.31"},"next":{"citation":"Fables 2.1","label":"Poem 2.1","url":"https://interlinea.aeterna-institute.org/library/latin/phaedrus/fables/2.1","api":"https://interlinea.aeterna-institute.org/api/v1/library/latin/phaedrus/fables/2.1"},"credit":{"text":"Phaedrus, Fables, ed. Lucian Mueller. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0975/phi001/phi0975.phi001.perseus-lat2.xml","quality":"proofread"}}